Nagpur Butibori MIDC : नागपूर जिल्ह्यातील बुटीबोरी एमआयडीसी परिसरात आज मोठी दुर्घटना घडल्याचे समोर आले. येथील अवादा कंपनीच्या प्रकल्पस्थळी उभारण्यात येत असलेला टँक टॉवर अचानक कोसळल्यानं परिसरात मात्र एकच खळबळ उडाली. या दुर्घटनेत जवळपास तीन मजुरांचा दुरदैवी मृत्यू झाल्याची माहिती समोर येत आहे. यामध्ये तब्ब्ल आठ कामगार जखमी झाले आहेत. त्यापैकी तीन जणांची प्रकृती गंभीर असल्याचे सांगण्यात येत आहे.
मिळालेल्या प्राथमिक माहितीनुसार, अवादा कंपनीमध्ये सौर पॅनलनिर्मिती आणि त्यासंबंधित पायाभूत सुविधांचे काम सुरू होतं. याच दरम्यान, उंच टँक टॉवरचे बांधकाम सुरूर असताना अचानक त्याचा समतोल बिघडला आणि संपूर्ण टॅंक टॉवर खाली कोसळला आणि त्याचा मोठा आवाज झाला. टॉवर कोसळताच परिसरात धूळ आणि मळभ ढगभर पसरले, त्यामुळे काही काळ भीतीचं वातावरण देखील निर्माण झाले होते. होतं.
मजूर थेट मलब्याखाली अडकल्याची शक्यता
घटनेच्यावेळी मोठ्या संख्येने कामगार प्रकल्पस्थळी आपले कम करत होते. टॉवरच्या आसपास काम करणारे काही मजूर थेट मलब्याखाली अडकल्याची शक्यता देखील आता वर्तवली जात आहे. घटनेची माहिती मिळताच स्थानिक पोलीस, अग्निशमन दल, तसेच आपत्ती व्यवस्थापन पथकाला तात्काळ घटनास्थळी पाचकरण करण्यात आले.
चंद्रपूर महामार्गालगत बुटीबोरी येथील नवीन एमआयडीसी परिसरात अवादा ही सोलर पॅनल निर्मिती करणारी कंपनी आहे. सध्या कंपनीच्या विस्तारीकरणाचे काम सुरू आहे. या दरम्यान कंपनीच्या आवारात मोठ्या क्षमतेची पाण्याची टाकी बांधण्यात येत होती. आज सकाळी या टाकीची चाचणी सुरू असताना अचानक वॉटर ब्लास्ट झाला आणि संपूर्ण टाकी कोसळली.
अपघाताच्या वेळी टाकीच्या परिसरात अनेक कामगार काम करत होते. पोलीस, अग्निशमन दल आणि प्रशासनाचे पथक घटनास्थळी दाखल झाले. त्यांनी टाकी खाली अडकलेल्या कामगारांना बाहेर काढले. या दुर्घटनेत तीन कामगारांचा जागीच मृत्यू झाला. तर तीन कामगार गंभीर जखमी झाले असून त्यांच्यावर जवळच्या रुग्णालयातील अतिदक्षता विभागात उपचार सुरू आहेत. उर्वरित चार कामगारांना किरकोळ दुखापत झाली आहे.
हे देखील वाचा – Uddhav Thackeray : आणखी एका मंत्र्याचा राजीनामा ;उध्दव ठाकरेंचा खळबळजनक दावा
