Viral Video : तामिळनाडूतील तांबरम रेल्वे स्थानकावर एक महिला प्रवासी धावत्या लोकल ट्रेनमध्ये चढताना तिचा तोल गेला. कर्तव्यावर असलेल्या रेल्वे कर्मचाऱ्यांनी महिलेला वेळीच वाचवले म्हणून मोठा अनर्थ टळला. कर्तव्यावर असलेल्या रेल्वे कर्मचाऱ्यांनी क्षणाचाही विलंब न करता वेळीच या महिलेचा जीव वाचवल्यामुळे अनर्थ टळला.
ह्या घटनेचा विडिओ सोशल मीडियावर जोरदार व्हायरल होताना दिसत आहे. त्यामुळे या रेल्वे कर्मचाऱ्यावर सध्या कौतुकाचा वर्षाव होत आहे. अलीकडेच, कर्नाटकातील पांडवपुरा स्थानकावर अशीच एक घटना घडली होती, जिथे चालत्या ट्रेनमध्ये चढण्याचा प्रयत्न करताना एक प्रवासी जीवघेण्या अपघातातून थोडक्यात बचावला. स्थानक कर्मचाऱ्यांनी केलेल्या जलद कारवाईमुळे परिस्थिती मोठ्या दुर्घटनेत रूपांतरित होण्यापासून रोखली गेली.
