Navi Mumbai Fire News : नवी मुंबईतील औद्योगिक क्षेत्र म्हणून ओळखल्या जाणाऱ्या महापे एमआयडीसी परिसरात आज दुपारी भीषण आगीची घटना घडली. डब्ल्यू-१७७ क्रमांकाच्या बिटाकेम या रासायनिक कंपनीला अचानक लागलेल्या आगीमुळे संपूर्ण परिसरात तणाव आणि खळबळ निर्माण झाली.
दुपारच्या सुमारास लागलेल्या आगेला काही क्षणांतच उग्र स्वरूप प्राप्त झाले. कंपनीमध्ये मोठ्या प्रमाणावर रासायनिक पदार्थांचे साठा असल्यामुळे आग वेगाने पसरली आणि ज्वालांनी बाहेर येत परिसरात धुराचे कळप दिसून आले. जोरदार आवाजासह ज्वाळा बाहेर येत असल्याने परिसरातील कामगारांमध्ये भीती निर्माण झाली, आणि अनेकांनी सुरक्षिततेसाठी तातडीने परिसर रिकामा केला.
घटनेची माहिती मिळताच अग्निशमन दलाच्या चार ते पाच गाड्या घटनास्थळी दाखल झाल्या. रासायनिक कंपनी असल्याने अग्निशमन दलाने विशेष खबरदारी घेत नियंत्रित पद्धतीने आग विझवण्याचे काम सुरू केले. यामध्ये रासायनिक स्फोट टाळण्यासाठी योग्य उपकरणांचा वापर करून हळूहळू आग विझवण्यावर भर देण्यात आला.
या आगीमुळे परिसरातील वाहतूक तसेच औद्योगिक कामकाज काही काळ विस्कळीत झाले होते. तथापि, सुदैवाने या घटनेत कोणतीही जीवितहानी झाली नाही. परिसरातील कामगार आणि नागरिकांना सुरक्षित ठिकाणी हलवले गेले, तसेच घटनास्थळी तैनात कर्मचाऱ्यांनी तत्परतेने परिस्थितीवर नियंत्रण ठेवले.
सद्य परिस्थितीत आग आटोक्यात येत असल्याचे अधिकारी सांगत आहेत, आणि परिसरातील सुरक्षिततेसाठी आवश्यक ती सर्व उपाययोजना सुरू आहेत. या घटनेची सविस्तर चौकशी करण्यासाठी संबंधित विभागाकडून तपास सुरू करण्यात आला आहे.
