Maruti S-Presso : जर तुम्ही कमी बजेटमध्ये एक भरवशाची आणि जास्त मायलेज देणारी कार घेण्याचा विचार करत असाल, तर फेब्रुवारी 2026 हा महिना तुमच्यासाठी अत्यंत फायदेशीर ठरणार आहे.
मारुती सुझुकीने आपल्या लोकप्रिय एन्ट्री-लेव्हल कार ‘एस-प्रेसो’वर आकर्षक सवलती जाहीर केल्या आहेत. यामुळे मध्यमवर्गीय कुटुंबासाठी नवीन कार खरेदी करणे आता अधिक सोपे झाले आहे.
बचत करण्याची मोठी संधी
फेब्रुवारी महिन्यात मारुति एस-प्रेसो खरेदी करणाऱ्या ग्राहकांना एकूण 37,500 रुपयांपर्यंतचा फायदा मिळू शकतो. यामध्ये प्रामुख्याने तीन प्रकारच्या सवलतींचा समावेश करण्यात आला आहे. पहिल्यांदाच कार खरेदी करणाऱ्यांना 10,000 रुपयांची रोख सवलत दिली जात आहे.
याशिवाय, जुनी गाडी बदलून नवीन गाडी घेणाऱ्या ग्राहकांसाठी 15,000 ते 25,000 रुपयांपर्यंतचा एक्सचेंज किंवा स्क्रॅपेज बोनस उपलब्ध आहे. ग्रामीण भागातील ग्राहकांसाठी आणि संस्थात्मक खरेदीसाठी अतिरिक्त 2,100 ते 2,500 रुपयांची वेगळी सूट देखील देण्यात आली आहे.
पहिली कार घेणाऱ्यांसाठी उत्तम पर्याय
मारुति एस-प्रेसो ही विशेषतः अशा लोकांसाठी उत्तम आहे जे दुचाकीवरून चारचाकीकडे वळण्याचा विचार करत आहेत. या कारचे उंच ग्राउंड क्लिअरन्स आणि कॉम्पॅक्ट आकारामुळे शहरातील गर्दीच्या वाहतुकीत ही गाडी चालवणे अतिशय सोयीचे ठरते. नवशिकाऊ चालकांसाठीही ही एक प्रॅक्टिकल कार मानली जाते.
मायलेज आणि कमी देखभाल खर्च
एस-प्रेसोमध्ये मारुतिचे विश्वासार्ह पेट्रोल इंजिन असून ते जबरदस्त मायलेजसाठी ओळखले जाते. ज्यांना पेट्रोलचा खर्च परवडत नाही, त्यांच्यासाठी सीएनजीचा पर्यायही उपलब्ध आहे. या कारचा देखभालीचा खर्च अत्यंत कमी असल्याने मध्यमवर्गीय कुटुंबाच्या खिशाला ती परवडणारी आहे.
