T20 World Cup:  सुपर-8 मध्ये भारतासमोर तगडे आव्हान; कोणाविरुद्ध आणि कधी रंगणार सामने? वाचा

T20 World Cup Super 8 Schedule 2026 : कोलंबोच्या आर. प्रेमदासा स्टेडियमवर रंगलेल्या हाय-व्होल्टेज सामन्यात भारताने पाकिस्तानवर ६१ धावांनी दणदणीत विजय मिळवला. या विजयासह भारताने साखळी फेरीत सलग तिसरा विजय नोंदवत ‘सुपर-८’ फेरीतील आपले स्थान निश्चित केले आहे.

भारताचा साखळी फेरीतील शेवटचा सामना नेदरलँडशी होणार आहे. सुपर-8 च्या गट १ मध्ये भारताचा समावेश झाला असून, आता टीम इंडिया दक्षिण आफ्रिका, वेस्ट इंडिज आणि झिम्बाब्वे या संघांशी भिडणार आहे.

भारताचा सुपर-८ पर्यंतचा प्रवास

टीम इंडियाने साखळी फेरीत एकतर्फी वर्चस्व गाजवले आहे:

1. भारत विरुद्ध अमेरिका: पहिल्या सामन्यात भारताने २९ धावांनी विजय मिळवला. मोहम्मद सिराजने ३ बळी घेत अमेरिकेचे कंबरडे मोडले, तर सूर्यकुमार यादवने नाबाद ८४ धावांची खेळी करून भारताला सावरले.
2. भारत विरुद्ध नामीबिया: इशान किशन (६१ धावा) आणि हार्दिक पांड्या (५२ धावा) यांच्या फटकेबाजीमुळे भारताने २०९ धावांचा डोंगर उभा केला. प्रत्युत्तरात नामीबियाचा संघ केवळ ११६ धावांत गारद झाला आणि भारताने ९३ धावांनी विजय मिळवला.
3. भारत विरुद्ध पाकिस्तान: पाकिस्तानविरुद्ध इशान किशनच्या ७७ धावांच्या बळावर भारताने १७५ धावा केल्या. भेदक गोलंदाजीच्या जोरावर पाकिस्तानला ११४ धावांत गुंडाळत भारताने ६१ धावांनी सामना खिशात घातला.

सुपर-८ फेरीचे संपूर्ण वेळापत्रक

सुपर-८ फेरीतील भारताचे सामने आता भारतातीलच विविध मैदानांवर पार पडणार आहेत:

पाकिस्तानवर भारताचे निर्विवाद वर्चस्व

या विजयामुळे विश्वचषकातील पाकिस्तानविरुद्धचा भारताचा विक्रम अधिक भक्कम झाला आहे. टी-२० विश्वचषकात भारताने पाकिस्तानला ९ पैकी ८ वेळा नमवले आहे, तर एकदिवसीय विश्वचषकात भारताने ८-० अशी विजयी आघाडी कायम ठेवली आहे. आता भारताची नजर जेतेपदावर असून दक्षिण आफ्रिकेविरुद्धचा पहिला सामना अत्यंत महत्त्वाचा ठरणार आहे.