OnePlus चा नवा स्वस्त फोन बाजारात; 7000mAh बॅटरीसह Nord CE6 Lite लाँच; पाहा किंमत

OnePlus Nord CE6 Lite : स्मार्टफोन प्रेमींसाठी एक आनंदाची बातमी आहे. दिग्गज टेक कंपनी OnePlus ने भारतीय बाजारपेठेत आपला नवा स्वस्त 5G स्मार्टफोन OnePlus Nord CE6 Lite अधिकृतपणे लाँच केला आहे. या फोनचे सर्वात मोठे आकर्षण म्हणजे यामध्ये दिलेली 7000mAh ची अवाढव्य बॅटरी. कमी किमतीत प्रीमियम अनुभव देण्याचा प्रयत्न वनप्लसने या मॉडेलच्या माध्यमातून केला आहे.

OnePlus Nord CE6 Lite : किंमत आणि जबरदस्त ऑफर्स

OnePlus Nord CE6 Lite भारतात तीन वेगवेगळ्या स्टोरेज व्हेरिएंटमध्ये उपलब्ध असेल:

1. 6GB + 128GB: 20,999 रुपये
2. 8GB + 128GB: 22,999 रुपये
3. 8GB + 256GB: 25,999 रुपये

विक्री आणि डिस्काउंट: हा फोन 12 मे पासून वनप्लसची अधिकृत वेबसाईट, ॲमेझॉन आणि ऑफलाईन स्टोअर्सवर विक्रीसाठी उपलब्ध होईल. निवडक बँक कार्ड्सवर 1,500 ते 2,000 रुपयांपर्यंत झटपट सवलत मिळेल. तसेच 6 महिन्यांपर्यंत ‘नो-कॉस्ट ईएमआय’चा पर्यायही उपलब्ध आहे.

OnePlus Nord CE6 Lite चे दमदार फीचर्स

• डिस्प्ले: या फोनमध्ये 6.72 इंचाचा Full HD+ LCD डिस्प्ले देण्यात आला आहे. यामध्ये 144Hz रिफ्रेश रेट आणि 680 निट्सची पीक ब्राइटनेस मिळते, ज्यामुळे व्हिडिओ पाहण्याचा अनुभव अधिक स्मूथ होतो.
• प्रोसेसर आणि परफॉर्मन्स: फोनमध्ये मीडियाटेक डायमेन्सिटी 7400 एपेक्स हा ऑक्टा-कोर प्रोसेसर असून उत्तम ग्राफिक्ससाठी Mali-G615 GPU दिला आहे. हा फोन लेटेस्ट अँड्रॉइड 16 वर आधारित OxygenOS 16 वर चालतो.
• कॅमेरा सेटअप: फोटोग्राफीसाठी फोनच्या मागील बाजूस 50 मेगापिक्सलचा मुख्य कॅमेरा (EIS सपोर्टसह) आणि 2 मेगापिक्सलचा मोनोक्रोम सेन्सर आहे. सेल्फीसाठी 8 मेगापिक्सलचा फ्रंट कॅमेरा देण्यात आला आहे.
• बॅटरी आणि चार्जिंग: फोनची सर्वात मोठी ताकद त्याची 7000mAh बॅटरी आहे, जी 45W SUPERVOOC फास्ट चार्जिंगला सपोर्ट करते.
• इतर वैशिष्ट्ये: सुरक्षेसाठी साईड-माउंटेड फिंगरप्रिंट सेन्सर, धूळ आणि पाण्यापासून संरक्षणासाठी IP64 रेटिंग आणि मिलिट्री ग्रेड टिकाऊपणासाठी MIL-STD-810H प्रमाणपत्र या फोनला मिळाले आहे.

या फोनमध्ये 5G कनेक्टिव्हिटीसह वाय-फाय 6, ब्लूटूथ 5.4 आणि यूएसबी टाइप सी पोर्ट यांसारखे सर्व आधुनिक पर्याय उपलब्ध आहेत. बजेट सेगमेंटमध्ये मोठी बॅटरी आणि दमदार परफॉर्मन्स शोधणाऱ्या ग्राहकांसाठी हा एक उत्तम पर्याय ठरू शकतो.

हे देखील वाचा – Mahindra Thar Roxx आधारित नवीन ‘ATV’ भारतीय सैन्यासाठी सज्ज; शत्रूच्या गोटात धडकी भरवणार हे स्वदेशी वाहन