Indian Cricket Team: पुढील वर्षी दक्षिण आफ्रिकेच्या मैदानावर होणाऱ्या एकदिवसीय वर्ल्ड कपसाठी भारतीय क्रिकेट नियामक मंडळाने (BCCI) आत्तापासूनच तयारी सुरू केली आहे. मात्र, निवड समितीच्या बैठकीपूर्वी कमालीचा गोंधळ पाहायला मिळाला. आगामी अफगाणिस्तानविरुद्धच्या 3 सामन्यांच्या वनडे मालिकेसाठी रोहित शर्मा आणि हार्दिक पांड्या या दोघांची निवड करण्यात आली असली, तरी ती त्यांच्या फिटनेस चाचणीवर अवलंबून असेल.
रिपोर्टनुसार, या दोन्ही स्टार खेळाडूंच्या फिटनेसवर आणि ५० ओव्हर्सच्या फॉरमॅटमध्ये खेळण्याच्या क्षमतेवर बीसीसीआयने मोठी शंका उपस्थित केली आहे.
Indian Cricket Team: रोहित शर्माबाबत नेमकी काय चिंता आहे?
निवड समिती आणि टीम मॅनेजमेंटला सर्वात जास्त चिंता रोहित शर्माबाबत सतावत आहे. पुढील वर्षी ऑक्टोबर-नोव्हेंबर महिन्यात होणाऱ्या वर्ल्ड कपपर्यंत रोहितचा फिटनेस टिकून राहील का, यावर प्रश्नचिन्ह आहे:
- दुखापतीचा इतिहास: आयपीएल दरम्यान हॅमस्ट्रिंगच्या दुखापतीमुळे रोहित ३ आठवडे खेळू शकला नव्हता. या काळात त्याने बीसीसीआयच्या सेंटर ऑफ एक्सलन्समध्ये अहवाल दिला नव्हता.
- वयाचा फॅक्टर: रोहित लवकरच वयाची 40 वर्षे पूर्ण करणार आहे. या वयात दुखापतीतून बरे होण्यासाठी शरीराला जास्त वेळ लागतो.
- इम्पॅक्ट प्लेयरचा पर्याय नाही: वनडे क्रिकेटमध्ये आयपीएलसारखा इम्पॅक्ट प्लेयरचा नियम नसतो, त्यामुळे रोहितला मैदानावर पूर्ण ५० ओव्हर्स फिल्डिंग करावी लागणार आहे, जे त्याच्या शरीरासाठी आव्हानात्मक ठरू शकते.
- बॅटिंगची पद्धत: २०२५ च्या चॅम्पियन्स ट्रॉफीनंतर रोहितकडून कॅप्टन्सी काढून घेण्यात आली होती. त्यानंतर त्याच्या बॅटिंगमधील आक्रमकता कमी झाली असून टीम मॅनेजमेंट या नवीन पद्धतीवर फारसे खूश नाही.
Indian Cricket Team: हार्दिक पांड्याच्या बॉलिंगवर प्रश्नचिन्ह
हार्दिक पांड्याबाबत निवड समितीला त्याच्या बॅटिंग किंवा फिल्डिंगची चिंता नाही, तर तो पूर्ण १० ओव्हर्स बॉलिंग करू शकेल का, यावर शंका आहे.
- हार्दिकने मुंबई इंडियन्ससाठी २ मे पासून एकही सामना खेळलेला नाही. चेन्नईतील सामन्यानंतर त्याला पाठीच्या त्रासाचा सामना करावा लागला होता.
- सध्या तो वानखेडे स्टेडियमवर सराव करत असला, तरी त्याने अजून पूर्ण फिटनेस सिद्ध केलेला नाही. अशा परिस्थितीत निवड समिती आता नितीश कुमार रेड्डी आणि हर्षित राणा यांसारख्या तरुण ऑलराउंडर खेळाडूंना बॅकअप म्हणून तयार करत आहे.
Indian Cricket Team: रोहित आणि विराट कोहलीची तुलना नाही!
बीसीसीआय आणि टीम मॅनेजमेंटने आता रोहित शर्मा आणि विराट कोहली या दोघांच्या भविष्याकडे वेगवेगळ्या दृष्टिकोनातून पाहणे सुरू केले आहे.
- कोहली सर्वात फिट: सध्या विराट कोहलीचा फिटनेस आणि फॉर्म देशातील इतर कोणत्याही क्रिकेटपटूपेक्षा सर्वोत्तम आहे.
- एकत्र विचार बंद: विराट आणि रोहितची कारकीर्द आता एकाच तराजूत तोलता येणार नाही. बीसीसीआयच्या मेडिकल टीमचा सल्ला घेतल्यानंतरच रोहितच्या भविष्याबाबत अंतिम निर्णय घेतला जाईल, असे सूत्रांनी सांगितले आहे.
रोहितच्या अनिश्चिततेमुळे निवड समितीने यशस्वी जयस्वाल आणि शुभमन गिल यांच्यासोबत ईशान किशनला बॅकअप ओपनर म्हणून संघात स्थान दिले आहे, जेणेकरून भविष्यात अडचण येणार नाही.
हे देखील वाचा – Cockroach Janta Party : ‘कॉक्रोच जनता पार्टी’ नक्की काय आहे? कोणी केली या पक्षाची स्थापना? जाणून घ्या
