Driving License New Rules: देशातील कोट्यवधी वाहन चालकांसाठी रस्ते वाहतूक मंत्रालयाकडून एक मोठा प्रस्ताव तयार केला जात आहे. रिपोर्टनुसार, ड्रायव्हिंग लायसन्सच्या वैधतेच्या नियमांमध्ये मोठी शिथिलता आणण्याबाबत सरकार सध्या गांभीर्याने विचार करत आहे. वाहन परवान्याची मुदत आता थेट वाहन चालकाचे वय ५० वर्षे होईपर्यंत वाढवण्याची ही योजना आहे.
सध्याच्या नियमांचा विचार केला तर, वाहन चालकाचे वय ४० वर्षे होईपर्यंत किंवा लायसन्स जारी केल्यापासून २० वर्षांच्या कालावधीसाठीच परवाना वैध मानला जातो. जर या नवीन प्रस्तावावर अंतिम मंजुरी मिळाली, तर नागरिकांना वारंवार आरटीओ कार्यालयात जाऊन लायसन्स नूतनीकरण करण्याच्या कटकटीतून मोठा दिलासा मिळू शकतो.
ज्येष्ठ नागरिकांसाठी प्रक्रिया सोपी करण्याचा मानस
या नवीन प्रस्तावामध्ये केवळ तरुणांचाच नाही, तर ५० वर्षांपेक्षा जास्त वय असलेल्या अनुभवी वाहन चालकांचाही विचार केला जात आहे:
- वैद्यकीय प्रमाणपत्र: सध्याच्या नियमानुसार ५० वर्षांपेक्षा जास्त वय असलेल्या चालकांना त्यांचे ड्रायव्हिंग लायसन्स नूतनीकरण करण्यासाठी अधिकृत वैद्यकीय प्रमाणपत्र सादर करणे बंधनकारक असते.
- नियोजनातील सुलभता: जरी या प्रस्तावाचा सविस्तर तपशील अद्याप जाहीर झाला नसला, तरी ज्येष्ठ नागरिकांसाठी ही संपूर्ण नूतनीकरण प्रक्रिया अत्यंत सोपी आणि सुटसुटीत करण्याचा सरकारचा विचार आहे.
वाहन हस्तांतरण आणि परवाने पूर्णपणे ऑनलाईन करण्याचे उद्दिष्ट
रस्ते वाहतूक आणि महामार्ग मंत्रालय आरटीओ कार्यालयातील मानवी हस्तक्षेप कमी करण्यासाठी आणि कामात पारदर्शकता आणण्यासाठी आणखी काही योजनांवर काम करत आहे. यानुसार, वाहनाची मालकी दुसऱ्याच्या नावावर हस्तांतरित करणे आणि वाहनांचे विविध परमिट नूतनीकरण करण्याची प्रक्रिया येत्या काळात पूर्णपणे ऑनलाईन केली जाऊ शकते. यामुळे नागरिकांना घरबसल्या ही कामे करणे शक्य होईल.
नियम तोडणाऱ्यांसाठी कडक नियमांची तयारी
एकीकडे सर्वसामान्य चालकांना दिलासा देण्याचा विचार सुरू असतानाच, वाहतुकीचे नियम मोडणाऱ्यांवर सरकार कडक वचक बसवणार आहे. ज्या चालकांचे ड्रायव्हिंग लायसन्स वाहतूक नियमांचे गंभीर उल्लंघन केल्यामुळे निलंबित किंवा रद्द केले जाईल, त्यांच्यासाठी खालील नियम आणले जाऊ शकतात:
हे प्रशिक्षण यशस्वीरित्या पूर्ण केल्यानंतर त्यांना पुन्हा एकदा ड्रायव्हिंग चाचणी परीक्षा द्यावी लागेल आणि त्यामध्ये उत्तीर्ण झाल्यानंतरच नवीन परवाना जारी केला जाईल.
हे देखील वाचा – India Protest US Attack: समुद्रात अमेरिकेचा व्यापारी जहाजावर हल्ला; 3 भारतीय बेपत्ता, भारताने अमेरिकन राजदूतांना बजावले समन्स
