UP Medical University : उत्तर प्रदेशची राजधानी लखनौ येथील नामांकित ‘किंग जॉर्ज वैद्यकीय विद्यापीठाने’ (KGMU) आपल्या सर्व वसतिगृहांमध्ये (Hostels) मांसाहारी अन्न शिजवण्यावर अधिकृतपणे बंदी घालण्याचा महत्त्वपूर्ण निर्णय घेतला आहे. विद्यापीठ प्रशासनाने या संदर्भातील नियमावली जाहीर केली असून, हा निर्णय तातडीने लागू करण्यात आला आहे. मात्र, वसतिगृहात राहणाऱ्या विद्यार्थ्यांना बाहेरून किंवा ऑनलाईन खाद्यपदार्थ वितरण ॲप्सच्या (Food Delivery Apps) माध्यमातून मांसाहारी जेवण मागवून खाण्यास कोणतीही मनाई करण्यात आलेली नाही, असेही प्रशासनाने स्पष्ट केले आहे.
राज्यपाल आनंदीबेन पटेल यांच्या जाहीर आक्षेपानंतर पाऊल
किंग जॉर्ज वैद्यकीय विद्यापीठाच्या वसतिगृहातील जेवणघरांमध्ये (Mess) किंवा विद्यार्थ्यांच्या खोल्यांमध्ये वैयक्तिक स्तरावर तयार केल्या जाणाऱ्या मांसाहारी पदार्थांबाबत थेट उत्तर प्रदेशच्या राज्यपाल आणि राज्य विद्यापीठांच्या कुलपती आनंदीबेन पटेल यांनी तीव्र चिंता व्यक्त केली होती. या पार्श्वभूमीवर विद्यापीठ प्रशासनाने तातडीने हे पाऊल उचलले आहे. राज्यपाल आनंदीबेन पटेल या विद्यापीठाच्या दीक्षांत समारंभाला मुख्य अतिथी म्हणून उपस्थित राहण्यासाठी गेल्या होत्या. या अधिकृत कार्यक्रमातील आपल्या भाषणाचा समारोप करताना, त्यांनी कॅम्पसमधील तीन विशिष्ट वसतिगृहांमध्ये मोठ्या प्रमाणावर मांसाहारी पदार्थ तयार केले जात असल्याची माहिती समोर आल्याचे सांगत यावर जाहीर आक्षेप घेतला होता.
लखनौच्या केजीएमयू विद्यापीठात मोठा निर्णय; वसतिगृहात मांसाहारी अन्न शिजवण्यावर बंदी, राज्यपाल आनंदीबेन पटेल यांच्या आक्षेपानंतर कारवाई-
उत्तर प्रदेशची राजधानी लखनौ येथील नामांकित ‘किंग जॉर्ज वैद्यकीय विद्यापीठाने’ (KGMU) आपल्या सर्व वसतिगृहांमध्ये (Hostels) मांसाहारी अन्न शिजवण्यावर अधिकृतपणे बंदी घालण्याचा महत्त्वपूर्ण निर्णय घेतला आहे. विद्यापीठ प्रशासनाने या संदर्भातील नियमावली जाहीर केली असून, हा निर्णय तातडीने लागू करण्यात आला आहे. मात्र, वसतिगृहात राहणाऱ्या विद्यार्थ्यांना बाहेरून किंवा ऑनलाईन खाद्यपदार्थ वितरण ॲप्सच्या (Food Delivery Apps) माध्यमातून मांसाहारी जेवण मागवून खाण्यास कोणतीही मनाई करण्यात आलेली नाही, असेही प्रशासनाने स्पष्ट केले आहे.
राज्यपाल आनंदीबेन पटेल यांच्या जाहीर आक्षेपानंतर पाऊल
किंग जॉर्ज वैद्यकीय विद्यापीठाच्या वसतिगृहातील जेवणघरांमध्ये (Mess) किंवा विद्यार्थ्यांच्या खोल्यांमध्ये वैयक्तिक स्तरावर तयार केल्या जाणाऱ्या मांसाहारी पदार्थांबाबत थेट उत्तर प्रदेशच्या राज्यपाल आणि राज्य विद्यापीठांच्या कुलपती आनंदीबेन पटेल यांनी तीव्र चिंता व्यक्त केली होती. या पार्श्वभूमीवर विद्यापीठ प्रशासनाने तातडीने हे पाऊल उचलले आहे. राज्यपाल आनंदीबेन पटेल या विद्यापीठाच्या दीक्षांत समारंभाला मुख्य अतिथी म्हणून उपस्थित राहण्यासाठी गेल्या होत्या. या अधिकृत कार्यक्रमातील आपल्या भाषणाचा समारोप करताना, त्यांनी कॅम्पसमधील तीन विशिष्ट वसतिगृहांमध्ये मोठ्या प्रमाणावर मांसाहारी पदार्थ तयार केले जात असल्याची माहिती समोर आल्याचे सांगत यावर जाहीर आक्षेप घेतला होता.
छुप्या पद्धतीने चालणाऱ्या स्वयंपाकाची होणार तपासणी
अधिकच्या माहितीनुसार, विद्यापीठाच्या अधिकृत वसतिगृहातील जेवणघरांमध्ये (Mess) नियमित जेवणात कोणत्याही प्रकारचे मांसाहारी अन्न दिले जात नाही. मात्र, राज्यपालांच्या आक्षेपानंतर आता विद्यापीठाच्या आवारात किंवा वसतिगृहातील खोल्यांमध्ये विद्यार्थ्यांकडून वैयक्तिक पातळीवर छुप्या पद्धतीने असे पदार्थ तयार केले जात आहेत का, याची विद्यापीठ प्रशासनाकडून विशेष पडताळणी केली जाणार आहे.
