Flipkart GOAT Sale 2026: ऑनलाईन शॉपिंग करणाऱ्या ग्राहकांसाठी जुलैचा महिना अत्यंत फायदेशीर ठरणार आहे. अॅमेझॉनने आपल्या प्राईम डे सेलची घोषणा केल्यानंतर, आता दिग्गज ई-कॉमर्स कंपनी फ्लिपकार्टनेही आपल्या सर्वात मोठ्या ‘GOAT’ सेल 2026 च्या तारखेची अधिकृत घोषणा केली आहे. सणासुदीचा काळ सुरू होण्यापूर्वी येणारी हा सेल नवीन वस्तू खरेदी करू इच्छिणाऱ्यांसाठी मोठी संधी घेऊन आला आहे.
फ्लिपकार्टने सेल सुरू होण्यापूर्वीच आपल्या प्लॅटफॉर्मवर एक विशेष मायक्रोसाईट लाईव्ह केली आहे. यानुसार, फ्लिपकार्टचा हा धमाकेदार सेल 4 जुलैपासून सुरू होणार आहे.
दरवर्षीप्रमाणे यंदाही इलेक्ट्रॉनिक्स, गृहोपयोगी वस्तू आणि दैनंदिन गरजेच्या अनेक उत्पादनांवर आकर्षक ऑफर्स दिल्या जातील. जर तुम्ही नवीन स्मार्टफोन, लॅपटॉप, टीव्ही किंवा इतर कोणतेही गॅजेट्स खरेदी करण्याचा विचार करत असाल, तर हा सेल तुमच्यासाठी सर्वोत्तम ठरू शकतो.
Flipkart GOAT Sale 2026: आयफोनसह ‘या’ प्रीमियम ब्रँड्सवर मिळणार मोठी सवलत; पाहा संभाव्य ऑफर्स
फ्लिपकार्टने जारी केलेल्या टीझरनुसार, या सेलमध्ये ग्राहकांना अनेक श्रेणींमधील उत्पादनांवर बंपर सूट पाहायला मिळणार आहे:
- प्रीमियम स्मार्टफोन: अॅपल आयफोन (iPhone) आणि सॅमसंग गॅलेक्सी सिरीजच्या लोकप्रिय स्मार्टफोन्सवर या सेलमध्ये किमती कमालीच्या कमी होण्याची शक्यता आहे.
- इलेक्ट्रॉनिक्स आणि गॅजेट्स: सॅमसंग गॅलेक्सी बुक लॅपटॉप, वायरलेस हेडफोन आणि नामांकित कंपन्यांच्या स्मार्ट टीव्हीवर आकर्षक डील्स मिळतील.
- घरगुती वस्तू आणि किराणा: एलजी स्मार्ट टीव्हीसह गॅस शेगडी, ट्रॉली बॅग आणि किराणा साहित्यावरही मोठी सवलत जाहीर केली जाणार आहे.
कंपनीने अद्याप सर्व ऑफर्स पूर्णपणे उघड केल्या नसून, सेल सुरू होण्याच्या काही दिवस आधी वास्तविक किमती समोर येतील.
Flipkart GOAT Sale 2026: बँक ऑफर्समुळे होणार अतिरिक्त बचत; अॅमेझॉनशी होणार थेट स्पर्धा
ग्राहकांचा खरेदीचा आनंद द्विगुणित करण्यासाठी फ्लिपकार्टने विशेष बँकिंग सवलतींची तयारी केली आहे. निवडक बँकांच्या क्रेडिट किंवा डेबिट कार्डचा वापर करून खरेदी केल्यास ग्राहकांना झटपट सूट (इन्स्टंट डिस्काउंट), विना-व्याज ईएमआय (नो-कॉस्ट EMI) आणि कॅशबॅकसारख्या सुविधा मिळण्याची शक्यता आहे. बँक पार्टनर्सची नावे लवकरच जाहीर केली जातील.
यावेळची ही स्पर्धा अत्यंत रंजक होणार आहे, कारण अॅमेझॉनची ‘प्राईम डे सेल’ देखील नेमकी 4 जुलैपासूनच सुरू होत असून ती तीन दिवस चालणार आहे. अशा परिस्थितीत, जुलैच्या पहिल्याच आठवड्यात दोन मोठ्या ई-कॉमर्स कंपन्या आमनेसामने असतील. या थेट स्पर्धेचा थेट फायदा ऑनलाईन खरेदी करणाऱ्या ग्राहकांना होईल, कारण त्यांना एकाच वेळी अनेक उत्तम पर्याय आणि सर्वोत्तम डील्स निवडण्याची संधी मिळणार आहे.
हे देखील वाचा – Sanjay Raut Target Rebels: “तुमच्या हिंमत असेल तर …”; बंडखोर खासदारांवर संजय राऊतांचा घणाघात
