Glowing Skin Tips: आजकाल प्रत्येक व्यक्तीला स्वच्छ, चमकदार आणि डागरहित त्वचा हवी असते. परंतु, उन्हाळ्यातील कडक ऊन, दमट हवामान, प्रदूषण आणि बदलती जीवनशैली यामुळे चेहऱ्याची नैसर्गिक चमक कुठेतरी हरवून जाते. ही त्वचा पुन्हा सजीव करण्यासाठी अनेक जण बाजारातील महागडे ब्युटी प्रॉडक्ट्स किंवा पार्लरमधील ट्रीटमेंट्सवर हजारो रुपये खर्च करतात. तरीही, अनेकदा अपेक्षेप्रमाणे रिझल्ट मिळत नाही.
जर तुम्हीही केमिकल रसायनांनी भरलेल्या प्रॉडक्ट्सला कंटाळला असाल, तर तुमच्यासाठी एक उत्तम बातमी आहे. आपल्या स्वयंपाकघरात सहज उपलब्ध असणाऱ्या केवळ ३ गोष्टींचा वापर करून तुम्ही घरच्या घरी चेहऱ्यावरील टॅनिंग आणि डलनेस दूर करू शकता. दादी-नानीच्या काळापासून चालत आलेला हा सोपा उपाय त्वचेला खोलवर मॉइश्चराईज करून डाग विरहित बनवण्यास मदत करतो.
नारळाच्या तेलात मिसळा ‘या’ २ गोष्टी; असा बनवा मॅजिकल पॅक
चेहऱ्यावर नैसर्गिक निखार आणणारा हा फेस पॅक बनवण्यासाठी तुम्हाला कोणत्याही महागड्या गोष्टी आणण्याची गरज नाही. यासाठी खालील साहित्य आवश्यक आहे:
- खोबरेल तेल: 1 लहान चमचा
- कॉफी पावडर: 1 लहान चमचा
- लिंबू किंवा टोमॅटोचा रस: ½ लहान चमचा
फेस पॅक तयार करण्याची सोपी पद्धत: सर्वप्रथम एका स्वच्छ वाटीमध्ये १ चमचा खोबरेल तेल आणि १ चमचा कॉफी पावडर एकत्र करून घ्या. हे मिश्रण व्यवस्थित एकजीव झाल्यानंतर त्यात अर्धा चमचा लिंबू किंवा टोमॅटोचा रस घाला. सर्व गोष्टी चांगल्या मिक्स करून त्याची एक गुळगुळीत पेस्ट तयार करा.
वापरण्याची योग्य पद्धत; २ मिनिटांत दिसेल फरक
हा घरगुती फेस पॅक लावताना पुढील पद्धतीचा अवलंब केल्यास उत्तम रिझल्ट मिळतो:
- फेस पॅक लावण्यापूर्वी आपला चेहरा स्वच्छ आणि थंड पाण्याने धुवून घ्या.
- तयार केलेली पेस्ट संपूर्ण चेहऱ्यावर लावा आणि बोटांच्या साहाय्याने गोल फिरवत (सर्कुलर मोशन) 2 ते 3 मिनिटे हलक्या हाताने मसाज करा.
- मसाज केल्यानंतर हे मिश्रण चेहऱ्यावर 5 ते 10 मिनिटांसाठी तसेच राहू द्या.
- पॅक सुकल्यानंतर चेहरा साध्या पाण्याने स्वच्छ धुवून घ्या.
हा घरगुती उपाय त्वचेवर नक्की कसा काम करतो?
या पॅकमध्ये वापरलेले तिन्ही घटक त्वचेसाठी अत्यंत फायदेशीर मानले जातात:
लिंबू किंवा टोमॅटोचा रस: हे दोन्ही घटक व्हिटॅमिन-सी चे उत्तम स्त्रोत आहेत. हे त्वचेचा रंग उजळण्यास आणि चेहऱ्यावरील काळे डाग हलके करण्यास मदत करतात.
खोबरेल तेल: हे त्वचेसाठी नैसर्गिक मॉइश्चरायझरसारखे काम करते. ते त्वचेच्या आतपर्यंत जाऊन पोषण देते, ज्यामुळे त्वचा मऊ आणि हायड्रेटेड राहते.
कॉफी पावडर: कॉफीचा पोत किंचित खडबडीत असतो, जो उत्कृष्ट स्क्रब म्हणून काम करतो. हे चेहऱ्यावरील मृत त्वचा (डेड स्किन सेल्स) काढून टाकते आणि त्वचा ताजी तजेलदार बनवते.
टीप: ही माहिती केवळ प्राथमिक स्वरूपाची आहे. आरोग्याशी संबंधित कोणताही निर्णय घेण्यापूर्वी किंवा कोणताही घरगुती उपाय करण्यापूर्वी तज्ज्ञ डॉक्टरांचा सल्ला घेणे आवश्यक आहे.
