WhatsApp New Feature: व्हॉट्सअॅप आपल्या युजर्ससाठी सतत नवनवीन फिचर्स आणत असते. आता व्हॉट्सअॅप एका अशा फिचरवर काम करत आहे, ज्यामुळे मेसेजिंगचा अनुभव आणि प्रायव्हसी अधिक मजबूत होणार आहे.
रिपोर्टनुसार, व्हॉट्सअॅपमध्ये लवकरच ‘मेसेज वाचल्यानंतर गायब होणे’ हा पर्याय उपलब्ध होणार आहे. यामुळे युजर्सना त्यांचे मेसेज किती वेळ दिसतील, यावर अधिक नियंत्रण मिळेल.
WhatsApp New Feature: स्नॅपचॅटसारखा अनुभव मिळणार
व्हॉट्सअॅपमध्ये सध्या २४ तास, ७ दिवस आणि ९० दिवस असे मेसेज गायब होण्याचे (डिस्अपिअरिंग मेसेज) पर्याय उपलब्ध आहेत. मात्र, नवीन फिचर हे स्नॅपचॅटप्रमाणे काम करेल. यात मेसेज पाठवल्यापासून वेळ मोजली जाणार नाही, तर समोरच्या व्यक्तीने मेसेज उघडून वाचल्यानंतर तो गायब होण्यासाठीचा काउंटडाउन सुरू होईल. यामुळे महत्त्वाचे किंवा संवेदनशील मेसेज सुरक्षित राहण्यास मदत होईल.
WhatsApp New Feature: नेमके कसे असेल हे फिचर?
१. वाचल्यानंतर डिलीट: नवीन फिचरमध्ये मेसेज रिसीव्हरने वाचल्यानंतर तो काही मिनिटांत किंवा तासांत आपोआप डिलीट होईल.
२. कस्टमायझेशन: युजर्स मेसेजच्या गरजेनुसार तो किती वेळ दिसावा, याचे कस्टमायझेशन करू शकतील.
३. विद्यमान सिस्टीमसोबत काम: हे फिचर जुन्या डिस्अपिअरिंग मेसेज सिस्टीमसोबतच काम करेल. जोपर्यंत मेसेज उघडला जात नाही, तोपर्यंत तो चॅटमध्ये सुरक्षित राहील.
WhatsApp New Feature: कोणाला मिळणार लाभ?
सध्या हे फिचर डेव्हलपमेंट फेजमध्ये असून अँड्रॉइड बीटा व्हर्जनवर याची चाचणी सुरू आहे. कंपनी एका नवीन इंटरफेसवरही काम करत आहे, ज्यामुळे हे फिचर सर्व चॅट्सवर किंवा ठराविक लोकांसाठी सुरू करणे सोपे होईल. सुरुवातीला हे फिचर बीटा टेस्टर्ससाठी उपलब्ध करून दिले जाईल आणि त्यानंतर सर्व सामान्य युजर्सना अपडेट्सद्वारे मिळेल.
व्हॉट्सअॅपचे हे पाऊल युजर्सची प्रायव्हसी अधिक कडक करण्याच्या दृष्टीने महत्त्वाचे मानले जात आहे. यामुळे युजर्स अधिक बिनधास्तपणे माहिती शेअर करू शकतील.
हे देखील वाचा –
