वायनाड – वायनाड लोकसभा पोटनिवडणुकीसाठी आज कॉंग्रेसकडून प्रियंका गांधी यांना उमेदवारी जाहीर करण्यात आली .केंद्रीय निवडणूक आयोगाने काल महाराष्ट्र आणि झारखंडच्या विधानसभा निवडणुकांची घोषणा केली. त्याचबरोबर केरळमधील वायनाड आणि महाराष्ट्रातील नांदेड आणि पश्चिम बंगालमधील बशीरहाट लोकसभा मतदारसंघात पोटनिवडणूक घेतली जाणार आहे.वायनाड लोकसभा मतदारसंघात १३ नोव्हेंबर रोजी पोटनिवडणुकीसाठी मतदान पार पडणार आहे. २०२४ च्या लोकसभा निवडणुकीत काँग्रेसचे नेते राहुल गांधी यांनी वायनाड आणि रायबरेली लोकसभा मतदारसंघामधून निवडणूक लढवली होती. या दोन्हीही मतदारसंघामधून त्यांचा विजय झाला होता. मात्र, त्यानंतर राहुल गांधी यांनी वायनाडच्या खासदारकीचा राजीनामा दिला होता.आता वायनाडमधून प्रियंका गांधी यांना उमेदवारी जाहीर झाल्यामुळे त्या पहिल्यांदाच निवडणुकीच्या रिंगणात उतरणार आहेत.
