Aadhaar Update: दैनंदिन जीवनातील अनेक महत्त्वाच्या कामांसाठी आधार कार्ड हे एक अनिवार्य दस्तऐवज बनले आहे. मोबाईल सिम घेण्यापासून ते सरकारी योजनांचा लाभ घेण्यापर्यंत सर्वत्र आधार कार्ड वापरले जाते.
मात्र, अनेकदा मोबाईल नंबर बदलल्यामुळे आधारशी लिंक असलेला नंबर अपडेट करणे आवश्यक असते. आता भारतीय विशिष्ट पहचान प्राधिकरण (UIDAI) ने आपल्या नवीन मोबाईल ॲप्लिकेशनमध्ये अतिशय उपयुक्त फिचर दिले आहे, ज्यामुळे ही प्रक्रिया अत्यंत सोपी झाली आहे.
मोबाईल नंबर अपडेट करण्यासाठी फॉलो करा या पायऱ्या:
आधार सेवा केंद्रावर न जाता, तुम्ही तुमच्या स्मार्टफोनद्वारे घरबसल्या मोबाईल नंबर अपडेट करू शकता:
- तुमच्या फोनमध्ये अधिकृत आधार ॲप उघडा आणि आधार आधारित प्रमाणीकरण (Authentication) करून लॉग-इन करा.
- मुख्य स्क्रीनवर असलेल्या ‘Services’ टॅबवर क्लिक करा.
- तिथे तुम्हाला ‘Update Mobile Number’ असा पर्याय दिसेल, त्यावर क्लिक करा.
- स्क्रीनवर तुमचा सध्याचा नोंदणीकृत मोबाईल नंबर दिसेल. आता तुम्हाला जो नवीन नंबर लिंक करायचा आहे, तो तिथे प्रविष्ट करा.
- नवीन नंबरवर एक ओटीपी (OTP) येईल, तो तिथे टाकून व्हेरिफाय करा.
- त्यानंतर तुमची प्रमाणीकरण प्रक्रिया पूर्ण करा.
- एकदा ओटीपी व्हेरिफाय झाला की, तुमची विनंती युआयडीएआय (UIDAI) कडे पुढील कार्यवाहीसाठी पाठवली जाईल.
शुल्क आणि महत्त्वाच्या बाबी
या सुविधेचा लाभ घेण्यासाठी ग्राहकांना एक नाममात्र शुल्क द्यावे लागेल. ॲपद्वारे मोबाईल नंबर किंवा पत्ता अपडेट करण्यासाठी तुम्हाला ७५ रुपयांचे शुल्क भरावे लागेल. हे शुल्क डिजिटल पद्धतीने भरण्याची सोय ॲपमध्ये देण्यात आली आहे.
आधार कार्डमध्ये तुमची महत्त्वाची वैयक्तिक माहिती जसे की नाव, जन्मतारीख, लिंग आणि पत्ता असतो. त्यामुळे जुना नंबर बंद झाल्यास किंवा सिम बदलल्यास, नवीन नंबर आधारशी लिंक करणे सुरक्षिततेच्या दृष्टीने अत्यंत आवश्यक आहे. आता या नवीन अपडेटमुळे नागरिकांचा वेळ वाचणार असून त्यांना घरबसल्या ही सुविधा मिळणार आहे.
