PM Kisan Yojana: पंतप्रधान नरेंद्र मोदी यांनी १३ मार्च २०२६ रोजी ‘पीएम किसान सन्मान निधी’ योजनेचा २२ वा हप्ता थेट शेतकऱ्यांच्या बँक खात्यात वर्ग केला आहे. गुवाहाटी येथून डीबीटीच्या माध्यमातून १८,६४० कोटी रुपयांचे वितरण करण्यात आले असून, ९ कोटी ३२ लाखांहून अधिक शेतकऱ्यांना याचा लाभ मिळाला आहे.
मात्र, अनेक शेतकऱ्यांच्या तक्रारी येत आहेत की, पात्र असूनही त्यांच्या खात्यात अद्याप २,००० रुपये जमा झालेले नाहीत.
पैसे मिळाले नसल्यास काय करावे?
जर तुमची नावे लाभार्थी यादीत असूनही हप्ता प्राप्त झाला नसेल, तर खालील अधिकृत मार्ग वापरून तुम्ही माहिती घेऊ शकता:
- वेबसाइटवर तपासा: सर्वात आधी pmkisan.gov.in या अधिकृत वेबसाइटवर जाऊन ‘फार्मर्स कॉर्नर’ या विभागातील ‘बेनिफिशिअरी स्टेटस’ तपासा.
- आधारशी लिंक करा: आपले बँक खाते आधारशी जोडलेले आहे की नाही याची खात्री करा.
- ई-केवायसी पूर्ण करा: जर ई-केवायसी (e-KYC) प्रलंबित असेल, तर त्वरित पूर्ण करून घ्या.
मदतीसाठी संपर्क क्रमांक
शेतकरी बांधव हप्त्याबाबत माहिती मिळवण्यासाठी किंवा तक्रार नोंदवण्यासाठी खालील क्रमांकावर संपर्क साधू शकतात:
- टोल फ्री हेल्पलाइन नंबर: 155261 किंवा 1800115526
- थेट संपर्क क्रमांक: 011-23381092
- ईमेल आयडी: pmkisan-ict@gov.in
हप्ता का अडकू शकतो?
अनेक वेळा तांत्रिक कारणांमुळे हप्ता थांबवला जातो. यामध्ये जमिनीची कागदपत्रे अपडेट नसणे, बँकेची माहिती चुकीची असणे किंवा ई-केवायसी न करणे या प्रमुख कारणांचा समावेश होतो. जर तुमच्या माहितीमध्ये काही त्रुटी असतील, तर त्या त्वरित दुरुस्त करणे आवश्यक आहे.
योजनेच्या नियमांनुसार, प्रत्येक शेतकरी कुटुंबाला दरवर्षी ६,००० रुपयांची मदत तीन समान हप्त्यांत थेट खात्यात दिली जाते. २२ वा हप्ता न मिळाल्यास वरील पर्यायांचा वापर केल्यास लवकरच खात्यात रक्कम जमा होईल.
