Best SUVs for long drive in India : अनेकदा फिरायला जाताना सुरुवातीचे २००-३०० किलोमीटर उत्साहात जातात, पण प्रवास ५०० किलोमीटरच्या पुढे गेला की शरीराला थकवा जाणवू लागतो. विशेषतः ड्रायव्हरसाठी सतत एकाच स्थितीत बसून राहणे कठीण होते. पण आता तंत्रज्ञान इतके पुढारले आहे की, काही खास एसयूव्हीमध्ये ‘मसाज’ आणि ‘व्हेंटिलेशन’ सारखी प्रीमियम फीचर्स दिली जात आहेत.
ही फीचर्स केवळ लक्झरी नसून तुमच्या लांबच्या प्रवासाला थकवामुक्त करण्यासाठी अत्यंत आवश्यक आहेत. अशाच ५ जबरदस्त एसयूव्हीची माहिती खालीलप्रमाणे:
१. Skoda Kodiaq
स्कोडाची ही ७-आसनी एसयूव्ही आपल्या आरामदायी प्रवासासाठी आणि प्रीमियम क्वालिटीसाठी प्रसिद्ध आहे. याच्या पुढच्या रांगेतील दोन्ही जागांवर मसाज आणि व्हेंटिलेशनची सुविधा मिळते. २.० लिटर टीएसआय पेट्रोल इंजिन असलेली ही गाडी २०१ बीएचपीची ताकद देते. ७-स्पीड डीएसजी ऑटोमॅटिक ट्रान्समिशनमुळे हायवेवरील ड्रायव्हिंग अत्यंत सुलभ होते. याची सुरुवातीची शोरूम किंमत ३९.९९ लाख रुपये आहे.
२. MG Majestor
एमजीने नुकतीच सादर केलेली ‘मेजेस्टर’ ही गाडी फिचर्सची खाण आहे. यात पुढच्या दोन्ही प्रवाशांसाठी मसाज आणि व्हेंटिलेशन सीट्स देण्यात आल्या आहेत. २.० लिटर ट्विन-टर्बो डिझेल इंजिन असलेली ही गाडी २१२.५५ बीएचपीची जबरदस्त ताकद निर्माण करते. लांबच्या प्रवासात ही गाडी एक आलिशान सोबती ठरू शकते. याची अंदाजित किंमत ४५ लाख रुपयांच्या आसपास आहे.
३. Volkswagen Tiguan R-Line
फोक्सवॅगनची टिग्वान आर-लाईन ही गाडी परफॉर्मन्स आणि कम्फर्टचा उत्तम मेळ आहे. यामध्येही पुढच्या बाजूला मसाज आणि व्हेंटिलेटेड सीट्स मिळतात, ज्यामुळे ५०० किमीचा प्रवास करतानाही शरीराला ताण जाणवत नाही. २०१ बीएचपी पॉवर देणारे याचे इंजिन हायवेवर अतिशय स्थिर धावते. याची किंमत ४५.७३ लाख रुपयांपासून सुरू होते.
४. MG Gloster
जर तुम्हाला ड्रायव्हरच्या आरामाला सर्वाधिक महत्त्व द्यायचे असेल, तर एमजी ग्लोस्टर हा उत्तम पर्याय आहे. यात केवळ ड्रायव्हरसाठी खास मसाज सीट देण्यात आली आहे. याव्यतिरिक्त १२-वे इलेक्ट्रिकल ॲडजस्टमेंट आणि मेमरी फंक्शनमुळे बसण्याची स्थिती अधिक सोयीस्कर होते. या गाडीची शोरूम किंमत ३८.३३ लाख रुपये आहे.
५. Volkswagen Tayron R-Line
फोक्सवॅगनची ही नवीन एसयूव्ही स्कोडा कोडियाकची जुळी बहीण मानली जाते. यातही पुढच्या दोन्ही सीटवर मसाज आणि व्हेंटिलेशनचे फिचर आहे. टायरोन आर-लाईनमध्ये २.० लिटरचे टर्बोचार्ज्ड पेट्रोल इंजिन असून ते ३२० एनएम टॉर्क जनरेट करते. लांबच्या प्रवासात ही गाडी चालकाचा उत्साह टिकवून ठेवण्यास मदत करते. याची किंमत ४६.९९ लाख रुपये आहे.
हे देखील वाचा – Trump Slams Nato: “तुम्ही मोठी चूक केली!” इराण युद्धावरून ट्रम्प यांचा मित्रराष्ट्रांवर संताप; नाटो देशांना लगावला टोला
