New Car Launches 2026: भारतीय वाहन उद्योगासाठी एप्रिल महिना नेहमीच उत्साहाचा असतो आणि 2026 मध्येही हे चित्र वेगळे नसेल. नवीन आर्थिक वर्षाच्या मुहूर्तावर अनेक दिग्गज कंपन्या आपल्या प्रलंबित आणि बहुप्रतिक्षित गाड्या रस्त्यावर उतरवण्यासाठी सज्ज आहेत.
मारुती सुझुकीपासून ते आलिशान मर्सिडीज-बेंझपर्यंत, प्रत्येक सेगमेंटमध्ये ग्राहकांना नवीन पर्याय उपलब्ध होणार आहेत. या महिन्यात लाँच होणाऱ्या गाड्या आणि त्यांची वैशिष्ट्ये खालीलप्रमाणे आहेत:
एप्रिलमध्ये लाँच होणाऱ्या प्रमुख गाड्या:
1. Volkswagen Taigun Facelift: फोक्सवॅगन आपली सुधारित ‘तायगुन’ 9 एप्रिल 2026 रोजी अधिकृतपणे सादर करणार आहे. जागतिक स्तरावरील डिझाइननुसार यामध्ये बदल करण्यात आले असून, यात नवीन पॅनोरामिक सनरुफ आणि सुधारित एअर कंडिशनिंग सिस्टम पाहायला मिळेल. इंजिनमध्ये बदल नसला तरी, 1.0 लिटर मॉडेलमध्ये नवीन 8-स्पीड ऑटोमॅटिक गिअरबॉक्स मिळण्याची शक्यता वर्तवली जात आहे.
2. 2026 Maruti Suzuki Brezza Facelift: भारतातील सर्वात लोकप्रिय कॉम्पॅक्ट एसयूव्ही ‘ब्रेझा’ आता नवीन अवतारात येत आहे. याचे सर्वात मोठे आकर्षण म्हणजे सीएनजी मॉडेलमधील अंडरबॉडी टँक असेल, ज्यामुळे डिकीमध्ये (Boot Space) पूर्वीपेक्षा खूप जास्त जागा उपलब्ध होईल. तसेच यामध्ये सुरक्षेसाठी ‘लेव्हल 2 ADAS’ फीचर मिळण्याची शक्यता आहे.
3. Toyota Urban Cruiser Ebella: टोयोटाची ही बहुप्रतिक्षित इलेक्ट्रिक कार एप्रिलमध्ये लाँच होईल. 49 kWh आणि 61 kWh अशा दोन बॅटरी पर्यायांसह ही कार उपलब्ध असेल. एका पूर्ण चार्जवर ही गाडी तब्बल 543 किमी पर्यंतचा पल्ला गाठेल, असा कंपनीचा दावा आहे.
4. MG Majestor: एमजी कंपनीची ही फ्लॅगशिप एसयूव्ही ल्यारी (Lyari) आणि इतर जागतिक डिझाइनवरून प्रेरित आहे. 41,000 रुपयांत प्री-बुकिंग सुरू झालेल्या या गाडीची किंमत एप्रिलमध्ये जाहीर होईल. ही ग्लोस्टरचे अधिक प्रीमियम व्हर्जन असून ती टोयोटा फॉर्च्युनरला तगडी टक्कर देईल.
5. Mahindra Thar / Scorpio N Updates: महिंद्रा आपल्या थार आणि स्कॉर्पिओ एन या दोन्ही गाड्यांचे फेसलिफ्ट मॉडेल एप्रिलमध्ये आणण्याची शक्यता आहे. थारच्या 3-डोअर मॉडेलमध्ये आता थार रॉक्ससारखे प्रीमियम फीचर्स आणि नवीन डॅशबोर्ड पाहायला मिळू शकतो.
6. Mercedes-Benz CLA EV: लक्झरी इलेक्ट्रिक सेगमेंटमध्ये मर्सिडीज आपली ‘सीएएल ईव्ही’ सादर करणार आहे. ही गाडी आपल्या जबरदस्त लूक आणि प्रगत तंत्रज्ञानासाठी ओळखली जाईल. यात 85 kWh चा बॅटरी पॅक आणि आधुनिक बॅटरी मॅनेजमेंट सिस्टम असेल.
