Summer Diet Tips: सूर्याचा पारा 40 अंशांच्या वर गेल्यावर केवळ बाह्य उपचार करून चालत नाही, तर शरीराला आतून थंडावा देणे गरजेचे असते. चुकीच्या आहारामुळे उन्हाळ्यात डिहायड्रेशन, अपचन आणि उष्णतेचे विकार जडतात. म्हणूनच, कडक उन्हाचा त्रास कमी करण्यासाठी तुमच्या खाण्यापिण्याच्या सवयींमध्ये काही महत्त्वाचे बदल करणे फायदेशीर ठरेल.
Summer Diet Tips: उन्हाळ्यात स्वतःला फिट ठेवण्यासाठी ‘हे’ बदल करा:
1. नैसर्गिक पेयांना प्राधान्य (नारळ पाणी): सध्याच्या काळात पॅकबंद ज्यूसपेक्षा नारळ पाणी हा सर्वात उत्तम पर्याय आहे. घामावाटे शरीरातील आवश्यक खनिजे बाहेर पडतात, त्यांची कमतरता भरून काढण्यासाठी नारळ पाणी ‘नॅचरल इलेक्ट्रोलाईट’ म्हणून काम करते.
2. काकडीचा आहारात समावेश: काकडीमध्ये पाण्याचे प्रमाण सर्वाधिक असते. उन्हाळ्यात होणारी पाण्याची कमतरता भरून काढण्यासाठी जेवणात काकडीची कोशिंबीर किंवा काकडीचा ज्यूस घेतल्यास शरीर दिवसभर ताजेतवाने राहते.
3. थंडावा देणारी पाने आणि जडीबुटी: पुदीना, कोथिंबीर आणि तुळस ही पाने केवळ चव वाढवण्यासाठी नसून ती नैसर्गिक कुलंट्स आहेत. ताक किंवा लिंबू सरबतामध्ये पुदीन्याचा वापर केल्यास पचनक्रिया सुधारते आणि शरीराचे तापमान नियंत्रित राहते.
4. पाण्याचे प्रमाण जास्त असलेली फळे: कलिंगड, संत्री, खरबूज आणि स्ट्रॉबेरी यांसारखी फळे उन्हाळ्यासाठी वरदान आहेत. ही फळे रसरशीत असल्याने शरीराला हायड्रेटेड ठेवतात आणि जीवनसत्त्वांचा पुरवठा करतात.
5. पालेभाज्यांचा वापर: पालक, मेथी आणि कोबी यांसारख्या हिरव्या भाज्यांमध्ये अँटीऑक्सिडंट्स भरपूर असतात. हे घटक तीव्र सूर्यप्रकाशापासून त्वचेचे आणि शरीराचे संरक्षण करण्यास मदत करतात.
Summer Diet Tips: उन्हाळ्यात ‘हे’ पदार्थ खाणे टाळा:
मद्यपान: अल्कोहोलमुळे शरीरातील ओलावा कमी होतो, त्यामुळे उन्हाळ्यात याचे सेवन मर्यादित ठेवावे.
मसालेदार आणि तिखट जेवण: अति गरम मसाले आणि तिखट पदार्थ शरीराची उष्णता आणखी वाढवतात, ज्यामुळे घाम आणि अस्वस्थता वाढते.
चहा आणि कॉफीचे अतिसेवन: कॅफिनमुळे शरीरातील पाणी कमी होऊन डिहायड्रेशनचा धोका वाढतो. त्याऐवजी थंड हर्बल टी किंवा ताक घ्यावे.
तेलकट आणि जड अन्न: तळलेले पदार्थ पचायला वेळ लागतो. उन्हाळ्यात पचनशक्ती मंदावलेली असते, त्यामुळे हलके जेवण घेणे कधीही उत्तम.
साखरयुक्त थंड पेये: सोडा आणि शीतपेयांमध्ये साखरेचे प्रमाण जास्त असते, ज्यामुळे तात्पुरती तहान भागली तरी शरीरातील पाणी कमी होते.
हे देखील वाचा –
