SSC Result 2026: महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने मार्च 2026 मध्ये घेण्यात आलेल्या इयत्ता दहावीच्या परीक्षेचा निकाल आज, 8 मे रोजी जाहीर होत आहे. राज्यातील सुमारे 16 लाखांहून अधिक विद्यार्थ्यांची प्रतीक्षा आज संपणार असून दुपारी 1 वाजता ऑनलाइन पद्धतीने निकाल प्रसिद्ध केला जाईल.
SSC Result 2026: निकाल ऑनलाइन कसा पाहाल?
निकाल पाहण्यासाठी विद्यार्थ्यांना खालील सोप्या स्टेप्स फॉलो कराव्या लागतील:
- सर्वप्रथम बोर्डाच्या अधिकृत वेबसाईटला भेट द्या.
- होम पेजवर ‘SSC Result March 2026’ या लिंकवर क्लिक करा.
- आता तुमचा रोल नंबर (Seat Number) आणि आईचे नाव अचूक टाईप करा.
- ‘View Result’ किंवा ‘Submit’ बटणावर क्लिक करा.
- तुमचा निकाल स्क्रीनवर दिसेल. भविष्यातील संदर्भासाठी त्याची प्रिंट काढून ठेवा किंवा पीडीएफ सेव्ह करा.
SSC Result 2026: निकाल पाहण्यासाठी अधिकृत वेबसाईट
एकाच वेळी अनेक विद्यार्थी लॉगिन करत असल्याने सर्व्हर स्लो होऊ शकतो, अशा वेळी तुम्ही खालीलपैकी कोणत्याही लिंकवर निकाल पाहू शकता:
- mahahsscboard.in
- sscresult.mkcl.org
- results.digilocker.gov.in
- results.targetpublications.org
- results.navneet.com
SSC Result 2026: डिजीलॉकरवर डिजिटल मार्कशीट
यंदा बोर्डाने डिजीलॉकरवरही निकाल उपलब्ध करून दिला आहे. यामुळे विद्यार्थ्यांना आपली डिजिटल मार्कशीट सहज डाऊनलोड करता येईल. ही मार्कशीट पुढील प्रवेश प्रक्रियेसाठी तात्पुरती ग्राह्य धरली जाते.
SSC Result 2026: गुणपडताळणी आणि फेरपरीक्षा
ज्या विद्यार्थ्यांना मिळालेल्या गुणांबाबत खात्री नसेल किंवा शंका असेल, ते गुणपडताळणी (Re-verification) किंवा उत्तरपत्रिकेच्या छायांकित प्रतीसाठी ऑनलाईन अर्ज करू शकतात. ही प्रक्रिया निकालाच्या दुसऱ्या दिवसापासून सुरू होईल. तसेच, जे विद्यार्थी उत्तीर्ण होऊ शकले नाहीत, त्यांना निराश होण्याची गरज नाही; त्यांचे शैक्षणिक वर्ष वाचवण्यासाठी बोर्डातर्फे जुलै-ऑगस्टमध्ये पुनर्परीक्षा (Supplementary Exam) घेतली जाणार आहे.
हे देखील वाचा – TCS Nashik Case: 25 दिवसांचा लपाछपीचा खेळ संपला! फरार निदा खान अखेर गजाआड; पोलिसांनी आवळल्या मुसक्या
