Samay Raina Dating: 12th Fail या चित्रपटातून घराघरात पोहोचलेली अभिनेत्री मेधा शंकर आणि भारताचा सध्याचा सर्वात लोकप्रिय स्टँडअप कॉमेडियन समय रैना यांच्या अफेअरच्या चर्चा पुन्हा एकदा बॉलिवूड कॉरिडोअरमध्ये रंगू लागल्या आहेत. हे दोघे पुन्हा एकदा जाहीर ठिकाणी एकत्र फिरताना दिसल्याचा दावा केला जात आहे.
सोशल मीडियावर या दोघांचा एक व्हिडिओ वेगाने व्हायरल होत असून, त्यांच्यात मैत्रीपेक्षा काहीतरी नक्कीच जास्त शिजत असल्याचा अंदाज चाहते लावत आहेत.
एका सोशल मीडिया युझरने शेअर केलेल्या व्हिडिओनुसार, समय आणि मेधा एकाच ठिकाणी एकत्र होते. परंतु, तिथे पापाराझी उपस्थित असल्याचे लक्षात येताच दोघांनी अचानक एकमेकांपासून अंतर राखले आणि ते वेगवेगळ्या दिशेने चालू लागले. मीडियाचे लक्ष वेधून घ्यायचे नसल्यानेच त्यांनी असे केल्याचा दावा नेटकरी करत आहेत.
आधीही अनेकदा आले एकत्र; मौन अद्याप कायम
हे दोघे चर्चेत येण्याची ही पहिलीच वेळ नाही. यापूर्वीही अनेक कार्यक्रमांमध्ये आणि पार्ट्यांमध्ये मेधा आणि समय एकत्र हजेरी लावताना दिसले आहेत, ज्यावरून चाहत्यांनी अनेक अंदाज लावले होते.
- अधिकृत घोषणा नाही: सोशल मीडियावर कितीही चर्चा सुरू असली, तरी समय रैना किंवा मेधा शंकर या दोघांपैकी कोणीही या नात्यावर अजून अधिकृत शिक्कामोर्तब केलेले नाही.
- चाहत्यांचे केवळ तर्क: सध्या तरी या अफवा केवळ सोशल मीडियावरील व्हायरल व्हिडिओ आणि चाहत्यांच्या निरीक्षणावर आधारित आहेत, दोन्ही कलाकारांनी यावर मौन बाळगणे पसंत केले आहे.
‘इंडियाज गॉट लॅटेंट’च्या दुसऱ्या हंगामाची धमाकेदार सुरुवात
अफेअरच्या चर्चा एका बाजूला असताना, समय रैना सध्या त्याच्या व्यावसायिक आयुष्यात मोठ्या यशाचा आनंद घेत आहे. त्याचा अत्यंत लोकप्रिय आणि तितकाच वादग्रस्त ठरलेला शो India’s Got Latent चा 2 सीजन नुकताच प्रेक्षकांच्या भेटीस आला आहे.
या शोच्या पहिल्याच भागामध्ये ‘अल्फा’ चित्रपटातील स्टार्स आलिया भट्ट आणि शरवरी वाघ यांनी विशेष पाहुण्या म्हणून हजेरी लावली होती. हा एपिसोड नेटफ्लिक्स आणि यूट्यूबवर एकाच वेळी रिलीज करण्यात आला होता.
या शोच्या यशानंतर समयने सोशल मीडियावर आलिया आणि शरवरीचे मनापासून कौतुक केले. इतक्या मोठ्या उंचीवर असूनही या दोन्ही अभिनेत्रींनी शोमध्ये अतिशय मोकळेपणाने आणि खिलाडूवृत्तीने सहभाग घेतला, याबद्दल त्याने त्यांचे आभार मानले.
हे देखील वाचा – Maharashtra Politics: ‘ऑफर आली तर नक्कीच…’; अमोल कोल्हेंच्या विधानाने ऑपरेशन तुतारीची चर्चा
