Vaibhav Sooryavanshi Records: आयपीएल हंगामाच्या शेवटी होणारा पुरस्कार सोहळा सामान्यतः वेगवेगळ्या खेळाडूंमध्ये विभागलेला असतो. एक खेळाडू फलंदाजीत बाजी मारतो, तर दुसरा गोलंदाजीत चमकतो. मात्र, आयपीएल 2026 चा पुरस्कार सोहळा या परंपरेपेक्षा पूर्णपणे वेगळा ठरला. अवघ्या 15 वर्षांच्या वैभव सूर्यवंशीने स्टेजवर तब्बल 5 वेळा जात पुरस्कारांवर आपले नाव कोरले.
या ऐतिहासिक कामगिरीमुळे त्याला 55 लाख रुपयांचे रोख बक्षीस आणि एक टाटा सिएरा कार मिळाली. लिलावात राजस्थान रॉयल्सने वैभवला 1.10 कोटी रुपयांना खरेदी केले होते, ज्याच्या निम्मी रक्कम त्याने केवळ पुरस्कार सोहळ्याच्या मंचावरच वसूल केली.
Vaibhav Sooryavanshi Records: ऑरेंज कॅप आणि मोस्ट व्हॅल्युएबल प्लेयरचा किताब
वैभव सूर्यवंशीने या हंगामात संथ किंवा बचावात्मक खेळ न करता सुरुवातीच्या ओव्हरपासूनच गोलंदाजांवर हल्ला चढवला. पॉवरप्लेच्या षटकांमध्ये विरोधी संघाच्या कर्णधारांकडे त्याच्या फलंदाजीचे कोणतेही उत्तर नव्हते.
- ऑरेंज कॅप (10 लाख रुपये): वैभवने या हंगामात 237.31 च्या स्फोटक स्ट्राईक रेटने एकूण 776 धावा कुटल्या आणि ऑरेंज कॅपवर कब्जा केला.
- मोस्ट व्हॅल्युएबल प्लेयर (15 लाख रुपये): केवळ धावा न मोजता सामन्यावरील एकूण प्रभावाचा विचार करून दिला जाणारा हा पुरस्कार वैभवने 436.5 पॉईंट्स मिळवून जिंकला. दुसऱ्या क्रमांकावरील खेळाडू आणि त्याच्यामधील फरक खूप मोठा होता.
Vaibhav Sooryavanshi Records: ख्रिस गेलचा ऐतिहासिक रेकॉर्ड मोडीत काढला
यापूर्वी एका हंगामात सर्वाधिक षटकार मारण्याचा ख्रिस गेलचा विक्रम अबाधित मानला जात होता, परंतु बिहारच्या या १५ वर्षीय खेळाडूने तो इतिहास जमा केला.
- सुपर सिक्सर ऑफ द सीजन (10 लाख रुपये): वैभवने संपूर्ण स्पर्धेत तब्बल 72 षटकार ठोकून हा पुरस्कार जिंकला. सनरायझर्स हैदराबादविरुद्धच्या एकाच सामन्यात त्याने 12 षटकार मारले, जो आयपीएलच्या एका डावात कोणत्याही भारतीय फलंदाजाने मारलेला सर्वाधिक षटकारांचा नवा रेकॉर्ड आहे. 2010 पासून हा विक्रम कोणालाही मोडता आला नव्हता.
- सुपर स्ट्रायकर ऑफ द सीजन (10 लाख रुपये आणि टाटा सिएरा): संपूर्ण हंगामात 237.31 चा स्ट्राईक रेट राखणे ही टी-20 क्रिकेटमधील फलंदाजीची एक नवीन व्याख्या आहे.
Vaibhav Sooryavanshi Records: इमर्जिंग प्लेयर की जागतिक सुपरस्टार?
वैभवला 10 लाख रुपयांचा ‘इमर्जिंग प्लेयर ऑफ द सीजन’ (हंगामातील सर्वोत्तम उदयोन्मुख खेळाडू) हा पुरस्कारही मिळाला. सामान्यतः हा पुरस्कार भविष्यातील क्षमता असलेल्या खेळाडूला दिला जातो, परंतु वैभवने इतर मुख्य श्रेणींमध्ये इतके वर्चस्व गाजवले की त्याला केवळ ‘उदयोन्मुख’ खेळाडू मानणे कठीण झाले होते.
या हंगामात सनरायझर्स हैदराबादविरुद्ध अवघ्या 36 चेंडूत ठोकलेले त्याचे शतक हे आयपीएलच्या इतिहासातील तिसरे सर्वात वेगवान शतक ठरले. तसेच गुजरात टायटन्सविरुद्धच्या क्वालिफायर 2 सामन्यात तो खेळलेल्या चेंडूंच्या संख्येनुसार सर्वात जलद 1000 आयपीएल धावा पूर्ण करणारा जगातील पहिला खेळाडू बनला.
हे देखील वाचा – IPL 2026 Price Money: विजेत्या RCB ला 20 कोटी, तर उपविजेत्या GT ला किती रक्कम मिळाली? पाहा
