Car Mileage Improvement : वाढत्या पेट्रोल-डिझेलच्या किमतींमुळे प्रत्येक वाहन चालकासाठी ‘मायलेज’ हा सर्वात कळीचा मुद्दा बनला आहे. गाडी नवीन असताना चांगले मायलेज देते, पण काही काळानंतर हा आकडा कमी होऊ लागतो. अनेकांना वाटते की हा इंजिनचा दोष आहे, परंतु प्रत्यक्षात आपल्या ड्रायव्हिंगच्या सवयी आणि गाडीच्या देखभालीतील छोट्या त्रुटी याला कारणीभूत असतात.
जर तुम्हाला तुमच्या खिशावरचा ताण कमी करायचा असेल आणि गाडीकडून उत्तम परफॉर्मन्स हवा असेल, तर खालील १० बाबी समजून घेणे अत्यंत आवश्यक आहे.
How to increase car mileage : तुमच्या कारचे मायलेज सुधारण्यासाठी महत्त्वाचे १० बदल:
इंधनाचा दर्जा: स्वस्त किंवा भेसळयुक्त पेट्रोल-डिझेलमुळे इंजिनच्या क्षमतेवर परिणाम होतो. नेहमी विश्वासार्ह पेट्रोल पंपावरूनच इंधन भरावे.
ड्रायव्हिंगची पद्धत सुधारा: अचानक वेग वाढवणे किंवा वारंवार जोरात ब्रेक मारणे टाळा. गाडी स्थिर वेगाने चालवल्यास इंधनाची मोठी बचत होते.
टायरमधील हवा आणि अलाइनमेंट: टायरमध्ये हवा कमी असल्यास इंजिनला गाडी ओढण्यासाठी जास्त ताकद लावावी लागते. तसेच, चाकांचे अलाइनमेंट बिघडलेले असल्यास इंधनाचा वापर १० टक्क्यांनी वाढू शकतो.
एअर फिल्टरची स्वच्छता: इंजिनला ‘श्वास’ घेण्यासाठी शुद्ध हवेची गरज असते. जर फिल्टरमध्ये धूळ साचली असेल, तर इंजिनवर ताण येतो आणि ते जास्त इंधन ओढते.
एसीचा मोजका वापर: कडक उन्हात एसी सतत ‘फुल’ मोडवर ठेवल्याने मायलेज १५ टक्क्यांपर्यंत घटू शकते. गरजेनुसार एसीचा वापर करणे हिताचे ठरते.
वेळेवर ऑईल बदलणे: जुने आणि घट्ट झालेले इंजिन ऑईल अंतर्गत घर्षण वाढवते. यामुळे इंजिनची कार्यक्षमता कमी होऊन मायलेजवर परिणाम होतो.
अनावश्यक ओझे कमी करा: गाडीच्या डिकीत किंवा मागील सीटवर विनाकारण जड सामान ठेवू नका. वजन वाढले की इंजिनला अधिक इंधन लागते.
स्पार्क प्लग आणि इंजेक्टर: जर स्पार्क प्लग खराब असेल, तर इंधनाचे व्यवस्थित ज्वलन होत नाही आणि ते धुरावाटे वाया जाते.
ब्रेक तपासणी: अनेकदा ब्रेक किंचित जाम असतात, जे चालकाच्या लक्षात येत नाही. अशा ‘ड्रॅगिंग ब्रेक’मुळे गाडी ओढताना इंधन जास्त खर्च होते.
सेन्सरची कार्यक्षमता: आधुनिक गाड्यांमधील ऑक्सिजन आणि एअर फ्लो सेन्सर इंजिनला इंधनाच्या वापराचा अचूक संकेत देतात. त्यात बिघाड झाल्यास इंजिन गरज नसताना इंधन पित राहते.
हे देखील वाचा –
