Oppo Find X9 Ultra Deals: जर तुम्ही स्वतःसाठी एक हाय-एंड फिचर्स असलेला प्रीमियम फ्लॅगशिप स्मार्टफोन खरेदी करण्याचा विचार करत असाल, तर गेल्या महिन्यातच बाजारात आलेला ओप्पोचा एक नवीन फोन तुमच्यासाठी सर्वोत्तम पर्याय ठरू शकतो. ओप्पोने आपला अत्यंत शक्तिशाली आणि दिसायला शानदार असलेला नवीन स्मार्टफोन सध्या फ्लिपकार्टवर बंपर ऑफर्ससह विक्रीसाठी उपलब्ध केला आहे.
आम्ही बोलत आहोत Oppo Find X9 Ultra बद्दल, ज्यामध्ये क्वालकॉमचे सर्वात प्रगत इंजिन आणि एका लॅपटॉपला टक्कर देईल एवढी मोठी बॅटरी देण्यात आली आहे. या फोनवर सध्या बँक डिस्काउंट आणि जुना फोन बदलून तब्बल हजारो रुपयांची थेट बचत करण्याची उत्तम संधी ग्राहकांना मिळत आहे.
Oppo Find X9 Ultra Deals: किंमत आणि मिळणाऱ्या ऑफर्सचा संपूर्ण तपशील
या प्रीमियम स्मार्टफोनची मूळ किंमत आणि फ्लिपकार्टवर मिळणाऱ्या सवलतींची आकडेवारी खालीलप्रमाणे आहे:
- मूळ किंमत: ओप्पोच्या या फोनचा 12GB रॅम आणि 512GB अंतर्गत स्टोरेज असलेला एकमेव कडक व्हेरियंट फ्लिपकार्टवर 1,69,999 रुपयांना लिस्ट करण्यात आला आहे.
- बँक डिस्काउंट: जर तुम्ही खरेदी करताना एसबीआय, एचडीएफसी किंवा आयसीआयसीआय बँकेच्या क्रेडिट कार्डचा वापर करून पेमेंट केले, तर तुम्हाला 16,999 रुपयांपर्यंतची थेट सूट मिळू शकते. या बँक ऑफरनंतर फोनची प्रभावी किंमत 1,53,000 रुपये होते.
- बंपर एक्सचेंज ऑफर: या डीलमध्ये सर्वात मोठा फायदा एक्सचेंज बोनसचा आहे. तुमचा जुना किंवा सध्याचा चालू फोन बदलून तुम्ही तब्बल 60,300 रुपयांपर्यंतची अतिरिक्त बचत करू शकता. अर्थात, हा जास्तीत जास्त फायदा तुमच्या जुन्या फोनच्या मॉडेल आणि सद्यस्थितीवर अवलंबून असेल.
Oppo Find X9 Ultra चे थक्क करणारे स्पेसिफिकेशन्स
हा फोन केवळ किमतीमुळेच नाही, तर त्याच्या अंतर्गत असलेल्या शक्तिशाली फीचर्समुळे सध्या बाजारात धुमाकूळ घालत आहे:
- डिस्प्ले आणि सुरक्षा: फोनमध्ये 6.82 इंचाचा मोठा क्युएचडी प्लस फ्लेक्सिबल अॅमोलेड डिस्प्ले देण्यात आला आहे. याचा रिफ्रेश रेट 120Hz आणि ब्राइटनेस 1,800 निट्स इतका कडक आहे, ज्यामुळे उन्हातही स्क्रीन अगदी स्पष्ट दिसते. सुरक्षेसाठी स्क्रीनच्या आतच 3D अल्ट्रासोनिक फिंगरप्रिंट सेन्सर मिळतो.
- प्रोसेसर आणि सॉफ्टवेअर: हा फोन अँड्रॉइड 16 वर आधारित कलरओएस 16 या अत्यंत आधुनिक सॉफ्टवेअरवर चालतो. वेगवान परफॉर्मन्स आणि गेमिंगसाठी यात क्वालकॉम स्नॅपड्रॅगन 8 एलिट जेन 5 हा जगातील सर्वात शक्तिशाली चिपसेट वापरण्यात आला आहे.
- महाकाय बॅटरी: फोनला दीर्घकाळ चालू ठेवण्यासाठी यामध्ये 7,050mAh ची प्रचंड क्षमतेची बॅटरी दिली आहे. ही बॅटरी चार्ज करण्यासाठी 100W क्षमतेची वायर फास्ट चार्जिंग आणि 50W ची वायरलेस चार्जिंग तंत्रज्ञानाचा सपोर्ट मिळतो.
कॅमेरा प्रेमींसाठी पर्वणी; तब्बल २०० मेगापिक्सलचे २ कॅमेरे
या फोनचा कॅमेरा सेटअप कोणत्याही व्यावसायिक कॅमेऱ्याला टक्कर देईल असा डिझाईन केला आहे. फोनच्या पाठीमागील भागात एकूण चार कॅमेऱ्यांचे जाळे मिळते. यात प्रगत इमेज स्टेबलायझेशन तंत्रज्ञानासह 200 मेगापिक्सलचा मुख्य कॅमेरा, 50 मेगापिक्सलचा अल्ट्रा-वाइड कॅमेरा, दुसरा तब्बल 200 मेगापिक्सलचा टेलिफोटो कॅमेरा आणि 50 मेगापिक्सलचा अल्ट्रा-टेलीफोटो कॅमेरा समाविष्ट आहे. सेल्फी आणि व्हिडिओ कॉलिंगचा दर्जा सुधारण्यासाठी समोरच्या बाजूलाही 50 मेगापिक्सलचा शक्तिशाली फ्रंट कॅमेरा मिळतो. याशिवाय कनेक्टिव्हिटीसाठी वाय-फाय 7 आणि ब्लूटूथ 6.0 सारखे प्रगत पर्याय यात देण्यात आले आहेत.
हे देखील वाचा – US Iran Peace Accord: अमेरिका भरपाई म्हणून इराणला खरचं 300 अब्ज डॉलर्स देणार? ट्रम्प यांनी दिले स्पष्टीकरण
