Royal Enfield Upcoming Bikes 2026 : दुचाकी प्रेमींची आवडती कंपनी रॉयल एनफील्ड सध्या भारतीय बाजारपेठेत मोठा धमाका करण्याच्या तयारीत आहे. चालू आर्थिक वर्षात कंपनी 450cc, 650cc, 750cc आणि अगदी इलेक्ट्रिक श्रेणीतही नवनवीन मॉडेल्स लाँच करणार आहे. प्रत्येक रायडिंग स्टाईल आणि बजेटनुसार ग्राहकांना आकर्षित करण्याचा कंपनीचा मानस आहे.
Royal Enfield Upcoming Bikes 2026 : 750cc प्लॅटफॉर्मवर मोठी मदार
रॉयल एनफील्डच्या श्रेणीत आतापर्यंतचे सर्वात शक्तिशाली इंजिन असलेले 750cc प्लॅटफॉर्म विकसित केले जात आहे. या प्लॅटफॉर्मवर आधारित Himalayan 750 ही पहिली बाईक असेल. यासोबतच मोठी ‘कॉन्टिनेंटल जीटी’ देखील विकसित केली जात आहे, जी प्रीमियम सेगमेंटमध्ये कंपनीचे स्थान अधिक मजबूत करेल.
Royal Enfield Upcoming Bikes 2026 : बुलेट 650 आणि नवीन हिमालयन 440
ज्यांना क्लासिक लूक आणि पॉवरची आवड आहे, त्यांच्यासाठी Bullet 650 लवकरच लाँच होणार आहे. यात 648cc चे पॅरलल-ट्विन इंजिन असेल जे 47 bhp ची ताकद देईल. दुसरीकडे, स्वस्त आणि परवडणाऱ्या दरात अॅडव्हेंचर बाईक शोधणाऱ्यांसाठी Himalayan 440 येत आहे. याची किंमत साधारण 2.5 लाख रुपयांच्या आसपास असू शकते, ज्यामुळे ही बाईक हिमालयन 450 पेक्षा अधिक परवडणारी ठरेल.
Royal Enfield Upcoming Bikes 2026 : इलेक्ट्रिक क्रांती: ‘फ्लाइंग फ्ली’
भविष्यातील गरजा लक्षात घेऊन कंपनीने Flying Flea C6 ही आपली पहिली इलेक्ट्रिक बाईक आधीच जगासमोर आणली आहे. या वर्षाच्या अखेरीस किंवा 2027 च्या सुरुवातीला याचे ‘स्कॅम्बलर’ व्हर्जन (S6) देखील बाजारात येईल. विशेष म्हणजे, कंपनी एक इलेक्ट्रिक हिमालयन देखील विकसित करत असून ती केवळ भारतातच नाही, तर जागतिक बाजारपेठेतही विकली जाईल.
याशिवाय, 2027 पर्यंत 450cc श्रेणीत एक नवीन स्कॅम्बलर बाईक आणण्याचीही कंपनीची योजना आहे. रॉयल एनफील्डचा हा नवा प्लॅन प्रत्येक किंमतीच्या टप्प्यावर आपली पकड मजबूत करण्यासाठी तयार करण्यात आला आहे.
हे देखील वाचा – NEET-UG 2026 Re-exam Date: पेपरफुटीच्या आरोपानंतर NEET परीक्षा पुन्हा कधी होणार? NTA ने दिली माहिती
