श्रीहरिकोटा
भारतीय अंतराळ संशोधन संस्थेने(इस्रो) इनसॅट 3 डीएस अत्याधुनिक हवामान उपग्रह प्रक्षेपणासाठी सज्ज केले आहे.17 फेब्रुवारी रोजी श्रीहरिकोटा येथील सतीश धवन अंतराळ केंद्रातून जीएसएलव्ही-14 रॉकेटच्या सहाय्याने हा उपग्रह प्रक्षेपित होणार असून हा उपग्रह भारताच्या अंतराळ प्रयत्नांमधील एक महत्त्वपूर्ण टप्पा आहे.
इनसॅट-3 डीएसची रचना इन-ऑर्बिट इनसॅट-3 डी आणि 3 डीआर उपग्रहांना मदत प्रदान करून इनसॅट प्रणालीची क्षमता वाढवण्यासाठी केली आहे. हा उपग्रह अंदाजे 35,786 किलोमीटर उंचीवर भूस्थिर कक्षा व्यापणार आहे. उपग्रह आणि जीएसएलव्ही-14 रॉकेट जोडण्याचे काम 25 जानेवारी रोजी करण्यात आले. हवामानाचा अंदाज, आपत्ती व्यवस्थापन आणि संबंधित हवामानविषयक सेवा वाढवणे हे या उपग्रहाचे उद्दिष्ट आहे. इनसॅट 3 डीएस मिशन हे भारतीय राष्ट्रीय उपग्रह प्रणाली मालिकेचा एक भाग आहे. 1983 मध्ये इनसॅट-1बी कार्यान्वित झाल्यापासून भारताच्या दळणवळण क्षेत्रात क्रांती घडवून आणण्यात महत्त्वपूर्ण भूमिका बजावली आहे.