UPI AutoPay Cancel Process: UPI मुळे व्यवहार करणे खूपच सोपे झाले आहे. याशिवाय, ऑटो पे मुळे आपोआप पैसे पाठवण्याची सुविधा देखील मिळते. या फीचरमुळे ग्राहक बिल, सबस्क्रिप्शन आणि रिचार्जसारखे पेमेंट आपोआप करू शकतात. हे फीचर दर महिन्याला ठरलेल्या वेळेत आपोआप पेमेंट करते.
पण, अनेकदा आपण हे ऑटोपे फीचर इनेबल केल्यानंतर काही कारणास्तव ते बंद करू इच्छितो. अशा वेळी हे फीचर योग्य पद्धतीने पॉज करणे किंवा कायमस्वरूपी कॅन्सल करणे आवश्यक असते.
जर तुम्ही Paytm, PhonePe किंवा Google Pay यांसारख्या यूपीआय ॲप्समध्ये ऑटोपे वापरत असाल, तर या तिन्ही ॲप्समध्ये ऑटोपे फीचर कसेरद्द करायचे, याची माहिती खालीलप्रमाणे दिली आहे. यामुळे तुम्ही तुमच्या ऑटो डेबिट पेमेंटवर नियंत्रण ठेवू शकता.
Paytm वर UPI AutoPay कसे बंद करावे?
- सर्वात आधी Paytm ॲप उघडा.
- प्रोफाइलमध्ये जा आणि Automatic Payments या पर्यायावर टॅप करा.
- येथे तुम्हाला सर्व सक्रिय ऑटोपेमेंट्सची यादी दिसेल.
- जो ऑटोपे बंद करायचा आहे, तो निवडा. थोडे स्क्रोल केल्यावर तुम्हाला ‘Pause’ किंवा ‘Stop’ करण्याचा पर्याय मिळेल.
- या पद्धतीने तुम्ही Paytm ॲपवरील ऑटो डेबिट पेमेंट्स काही काळासाठी थांबवू शकता किंवा पूर्णपणे बंद करू शकता.
PhonePe वर UPI AutoPay कसे बंद करावे?
- सर्वात आधी PhonePe ॲप उघडा.
- प्रोफाइलमध्ये जा आणि Manage Payments या पर्यायावर टॅप करा.
- Autopay या पर्यायावर क्लिक करा. येथे तुम्हाला सर्व सक्रिय AutoPay Mandates दिसतील.
- जे ऑटो-पेमेंट बंद करायचे आहे, ते निवडा आणि ते बंद करू शकता किंवा काही काळासाठी थांबवू शकता.
Google Pay वर UPI AutoPay कसे बंद करावे?
- सर्वात आधी फोनमध्ये Google Pay ॲप उघडा.
- आता तुम्हाला प्रोफाइलमध्ये जाऊन Autopay या पर्यायावर क्लिक करायचे आहे.
- येथे Live टॅबमध्ये क्लिक केल्यावर तुम्हाला सर्व सक्रिय AutoPay मॅन्डेट दिसतील.
- जे पेमेंट बंद करायचे आहे, ते सिलेक्ट करा. येथे तुम्हाला Pause Autopay आणि Cancel Autopay हे पर्याय मिळतील.
- तुम्हाला काही काळासाठी ऑटोपे थांबवायचा असल्यास, Pause Autopay निवडा.
- तर, Cancel Autopay निवडून तुम्ही ऑटो पेमेंट पूर्णपणे रद्द करू शकता.
हे देखील वाचा – Aircraft Manufacturing: आत्मनिर्भरतेच्या दिशेने मोठे पाऊल; भारतात पहिल्यांदाच होणार प्रवासी विमानाची निर्मिती
