Western Railway : रेल्वे बद्दलच्या अनेक तक्रारी आपल्याला सातत्याने ऐकायला मिळतात. मुंबई -पश्चिम रेल्वे मार्गावर गेल्या काही दिवसांपासून लोकल वाहतुकीचा खेळखंडोबा सुरू असलयाचे दिसून येत आहे. दररोज १५ ते २० मिनिटांच्या उशिराने लोकल धावत आहेत. या सततच्या विलंबामुळे प्रवाशांना मात्र मोठा त्रास सहन करावा लागत आहे.
दररोज सकाळच्या महत्वाच्या प्रहरी ज्या वेळी कामाला जायची प्रचंड घाई असते अश्या वेळी लोकल उशिराने धावत असल्याने कार्यालयात पोहोचण्यास मोठा उशीर होतो. त्यामुळे दैनंदिन नियोजन कोलमडते, तर एवढ्या भरगच्च लोकलमध्ये चढूनसुद्धा ट्रेनच्या दिरंगाईला देखील तोंड द्यावे लागते.
विरार-चर्चगेट लोकलमध्ये १५–२० मिनिटांचे अंतर असल्याने एक लोकल सुटली की पुढील गाडी प्लेटफ्रॉमला येई पर्यंत दीर्घ प्रतीक्षा करावी लागते. आणि त्यानंतर ती गाडी दिलेल्या वेळेत सुटेल कि नाही याचीही शाश्वती नसते.
विशेषत: बोरीवली–अंधेरी या मार्गावर गाडी मोठ्या प्रमाणावर सिग्नला थांबते. यामुळे प्रवाशांचे हाल अधिक होत आहेत. परिणामी उशिराचा दुष्परिणाम पुढील सर्व वेळापत्रकावर होतो आणि एकही लोकल वेळेत स्थानकात पोहोचत नाही, अशी प्रवाशांची तक्रार आहे. दररोज होणाऱ्या या विलंबामुळे प्रवाशांचा रोष वाढत चालला आहे, अर्धा तास ट्रेन लेट असेल तर वेळेत कामावर कसे पोहोचायचे? असा संतप्त सवाल प्रवाशांकडून केला जात आहे.
हे देखील वाचा –
