T20 World Cup Super 8: विश्वचषकाचा थरार वाढणार! सुपर 8 चे चित्र स्पष्ट; या’ संघांनी मारली बाजी, पाहा संपूर्ण वेळापत्रक

T20 World Cup 2026 Super 8 schedule : टी-20 विश्वचषक 2026 आता एका निर्णायक टप्प्यावर पोहोचला असून साखळी फेरीतील 20 संघांपैकी सर्वोत्तम 8 संघांनी ‘सुपर 8’ मध्ये आपले स्थान निश्चित केले आहे. 21 फेब्रुवारीपासून सुरू होणाऱ्या या फेरीत क्रिकेट विश्वातील तगडे संघ एकमेकांशी भिडणार आहेत. धक्कादायक म्हणजे, ऑस्ट्रेलियाचा संघ स्पर्धेतून बाहेर पडला असून त्यांच्या जागी झिम्बाब्वेने दिमाखात प्रवेश केला आहे.

सुपर 8 साठी पात्र ठरलेले संघ

प्रत्येक गटातून अव्वल दोन संघांनी पुढच्या फेरीत प्रवेश मिळवला आहे:

• गट ए: भारत आणि पाकिस्तान
• गट बी: झिम्बाब्वे आणि श्रीलंका
• गट सी: वेस्ट इंडिज आणि इंग्लंड
• गट डी: दक्षिण आफ्रिका आणि न्यूझीलंड

वेस्ट इंडिजने नेपाळचा पराभव करत सर्वात आधी आपले तिकीट पक्के केले होते, तर भारताने पाकिस्तानवर 61 धावांनी विजय मिळवत आपले स्थान निश्चित केले. ऑस्ट्रेलियाला बाहेरचा रस्ता दाखवत झिम्बाब्वेने या स्पर्धेत मोठी उलथापालथ घडवून आणली आहे.

सुपर 8 फेरीची गटवारी

आयसीसीच्या नियमांनुसार, क्रमवारीच्या आधारे संघांची दोन गटात विभागणी करण्यात आली आहे:

1. गट 1: भारत, दक्षिण आफ्रिका, वेस्ट इंडिज आणि झिम्बाब्वे.
2. गट 2: इंग्लंड, पाकिस्तान, श्रीलंका आणि न्यूझीलंड.

या फेरीत प्रत्येक संघ आपल्या गटातील इतर तीन संघांशी प्रत्येकी एक सामना खेळेल. दोन्ही गटांतील अव्वल दोन संघ उपांत्य फेरीसाठी पात्र ठरतील. विशेष म्हणजे, सुपर 8 मध्ये पोहोचलेल्या सर्व 8 संघांना 2028 च्या टी-20 विश्वचषकासाठी थेट प्रवेश मिळाला आहे.

T20 World Cup 2026: सुपर 8 फेरीचे संपूर्ण वेळापत्रक