LPG Cylinder Tracking: सध्या अनेक भागांमध्ये एलपीजी सिलिंडरचा तुटवडा आणि वितरणातील विलंबाच्या तक्रारी समोर येत आहेत. अशा परिस्थितीत, बुक केलेला सिलिंडर नेमका कधी घरी पोहोचेल, याची चिंता ग्राहकांना सतावत असते.
मात्र, आता तंत्रज्ञानाच्या मदतीने तुम्हाला गॅस एजन्सीच्या फेऱ्या मारण्याची किंवा वारंवार फोन करण्याची गरज उरलेली नाही. तुम्ही घरबसल्या तुमच्या मोबाईलवरून सिलिंडरच्या डिलिव्हरीचा रिअल-टाइम मागोवा घेऊ शकता.
डिलिव्हरी ट्रॅक करण्याच्या सोप्या पद्धती
तुमच्याकडे इंडेन (Indane), एचपी (HP) किंवा भारत गॅस (Bharat Gas) यांपैकी कोणतेही कनेक्शन असले, तरी तुम्ही खालील मार्गांनी स्टेटस तपासू शकता:
- मोबाईल ॲप: संबंधित गॅस कंपनीचे अधिकृत ॲप डाऊनलोड करा. लॉग-इन केल्यानंतर ‘माय बुकिंग’ (My Booking) किंवा ‘ट्रॅक सिलिंडर’ (Track Cylinder) या पर्यायावर क्लिक केल्यास तुम्हाला बुकिंगपासून डिलिव्हरीपर्यंतची सर्व माहिती मिळेल.
- अधिकृत वेबसाइट: गॅस कंपनीच्या पोर्टलवर जाऊन तुमचा एलपीजी आयडी किंवा नोंदणीकृत मोबाईल नंबर टाकून तुम्ही स्थिती तपासू शकता.
- एसएमएस आणि व्हॉट्सॲप: सिलिंडर बुक केल्यानंतर मिळणाऱ्या कन्फर्मेशन मेसेजमधील लिंकवरून किंवा कंपनीच्या व्हॉट्सॲप नंबरवरूनही अपडेट्स मिळवता येतात.
महत्त्वाचे हेल्पलाईन नंबर (IVRS Number)
जर तुम्हाला इंटरनेट वापरणे कठीण वाटत असेल, तर तुम्ही खालील नंबरवर कॉल करून तुमच्या बुकिंगची स्थिती जाणून घेऊ शकता:
- Indane Gas: 7718955555
- HP Gas: 7903105555
- Bharat Gas: 7715012345
‘स्टेटस’चा अर्थ समजून घ्या
ट्रॅकिंग करताना तुम्हाला काही तांत्रिक शब्द दिसतील, त्याचा अर्थ असा होतो:
- Booked: तुमचे बुकिंग यशस्वी झाले आहे.
- Dispatched: सिलिंडर मुख्य गोदामातून निघाला आहे.
- Out for Delivery: डिलिव्हरी देणारी व्यक्ती तुमच्या घराच्या दिशेने निघाली आहे.
जर तुमच्या स्टेटसमध्ये ‘डिलिव्हर्ड’ (Delivered) असे दिसत असेल आणि सिलिंडर घरी पोहोचला नसेल, तर त्वरित संबंधित गॅस एजन्सीकडे तक्रार नोंदवा. या डिजिटल सुविधेमुळे ग्राहकांचा वेळ वाचणार असून पारदर्शकता वाढण्यास मदत होणार आहे.
हे देखील वाचा – What is Cloud Seeding: काय आहे ‘कृत्रिम पाऊस’? कसा, कधी आणि का पाडला जातो? जाणून घ्या
