Best Mileage Bikes: पेट्रोलचे दर पुन्हा एकदा वाढण्याची चिन्हे दिसत असल्याने सर्वसामान्यांची चिंता वाढली आहे. अशा वेळी कमी इंधनात जास्त अंतर कापणारी दुचाकी असणे ही काळाची गरज बनली आहे. जर तुमचे बजेट ८० हजार रुपयांपर्यंत असेल आणि तुम्हाला अशा बाईकची गरज असेल जी खिशाला परवडेल, तर खालील ५ पर्याय तुमच्यासाठी सर्वोत्तम आहेत.
१. बजाज प्लॅटिना १०० (Bajaj Platina 100)
आरामदायी प्रवासासाठी ‘बजाज प्लॅटिना’ हे नाव अग्रक्रमाने घेतले जाते. याची एक्स-शोरूम किंमत केवळ 68,711 रुपयांपासून सुरू होते. ही बाईक ७० किमी प्रति लिटरचा उत्कृष्ट मायलेज देते. यातील ‘कंफर्टेक’ तंत्रज्ञानामुळे खराब रस्त्यांवरही प्रवासाचा त्रास जाणवत नाही.
२. हिरो स्प्लेंडर प्लस एक्सटेक (Hero Splendor Plus XTEC)
तंत्रज्ञानाची आवड असलेल्या लोकांसाठी हिरोची ही बाईक उत्तम आहे. याची किंमत 79,703 रुपये असून ही गाडी तब्बल ७३ किमी प्रति लिटरचा मायलेज देते. यात डिजिटल कन्सोल आणि ब्लूटूथ कनेक्टिव्हिटीसारखे स्मार्ट फीचर्स देण्यात आले आहेत.
३. होंडा शाइन १०० (Honda Shine 100)
जपानी तंत्रज्ञानाचा विश्वास आणि स्मूथ इंजिनसाठी होंडा शाइन १०० ओळखली जाते. याची किंमत या यादीत सर्वात कमी म्हणजेच 65,393 रुपये आहे. ही बाईक ५५ किमी प्रति लिटरपर्यंत मायलेज देते आणि देखभालीसाठी अत्यंत स्वस्त पडते.
४. बजाज सीटी ११०एक्स (Bajaj CT 110X)
ग्रामीण भागात आणि जड कामांसाठी ही बाईक अत्यंत उपयुक्त आहे. याची किंमत 70,000 रुपयांपासून सुरू होते. ही बाईक ७० किमी प्रति लिटरचा मायलेज देते. याचे टायर आणि बांधणी अतिशय मजबूत असल्याने ती खडतर रस्त्यांवरही टिकून राहते.
५. हिरो स्प्लेंडर प्लस (Hero Splendor Plus)
भारतातील सर्वात जास्त विक्री होणारी ही बाईक आजही विश्वासार्हतेचे प्रतीक आहे. 76,177 रुपयांच्या सुरुवातीच्या किमतीत मिळणारी ही बाईक ७० किमी प्रति लिटरचा मायलेज देते. साधे डिझाइन आणि शहरात चालवण्यासाठी हलकी असल्याने ती सर्व वयोगटातील लोकांची पहिली पसंती आहे.
हे देखील वाचा – Petrol Diesel Price Hike 2026: सर्वसामान्यांच्या खिशाला कात्री! पेट्रोल-डिझेलच्या किंमतीत मोठी वाढ; पाहा तुमच्या शहरातील नवे दर
