Aadhaar App New Features: स्मार्टफोनवर आधार कार्डशी संबंधित सेवा वापरणाऱ्या नागरिकांसाठी एक अत्यंत महत्त्वाची बातमी आहे. केंद्र सरकारने जुने ‘mAadhaar’ अॅप लवकरच पूर्णपणे बंद करण्याचा निर्णय घेतला आहे. भारतीय विशिष्ट ओळख प्राधिकरणाने (UIDAI) देशातील डिजिटल पडताळणी यंत्रणा अधिक आधुनिक आणि सुरक्षित करण्यासाठी हे पाऊल उचलले आहे.
आधारच्या अधिकृत सोशल मीडिया अकाउंटवरून या बदलाची पुष्टी करण्यात आली आहे. जुने अॅप बंद होणार असल्याने सर्व नागरिकांनी नवीन ‘Aadhaar’ अॅप त्वरित डाऊनलोड करावे, असे आवाहन सरकारने केले आहे. नवीन अॅपमध्ये वेगवान सेवा आणि अधिक स्मार्ट फीचर्स मिळतील, ज्यामुळे युजर्सचा अनुभव अधिक सोपा आणि सुरक्षित होईल.
Aadhaar App New Features: नवीन अॅपमध्ये काय बदलले आहे?
जुने अॅप केवळ पडताळणी दरम्यान आधारचा संपूर्ण तपशील स्क्रीनवर दाखवत असे, ज्यामुळे गोपनीयतेचा धोका निर्माण होऊ शकत होता. मात्र, नवीन अॅप वैयक्तिक माहितीच्या सुरक्षिततेवर अधिक भर देते. यामध्ये माहितीचे निवडक शेअरिंग आणि कडक ओळख पडताळणी यांसारखे मोठे बदल करण्यात आले आहेत.
Aadhaar App New Features: सुरक्षेचे ३ सर्वात मोठे प्रगत फीचर्स
- सुरक्षित क्यूआर कोड शेअरिंग: हॉटेल, हॉस्पिटल किंवा सरकारी कार्यालयांमध्ये पडताळणी करताना आता पूर्ण आधार कार्ड दाखवण्याची गरज पडणार नाही. नागरिक केवळ आवश्यक माहितीचा क्यूआर कोड स्कॅन करून आपली ओळख प्रमाणित करू शकतील.
- फेस ऑथेंटिकेशन (चेहरा ओळखून पडताळणी): पूर्वी आधारच्या सेवा प्रामुख्याने मोबाईलवर येणाऱ्या ओटीपीवर (OTP) अवलंबून असायच्या. आता सुरक्षेचा आणखी एक स्तर वाढवण्यासाठी ओटीपीसोबत चेहरा ओळखून पडताळणी करणे बंधनकारक केले जाऊ शकते. यामुळे आधारचा गैरवापर पूर्णपणे रोखता येईल.
- बायोमेट्रिक डेटा लॉक करण्याची सोय: युजर्स आता आपल्या बोटांचे ठसे (फिंगरप्रिंट), चेहऱ्याचा डेटा आणि डोळ्यांचे स्कॅनिंग (आयरीस) थेट या अॅपमधून लॉक किंवा अनलॉक करू शकतात. यामुळे सार्वजनिक किंवा दुसऱ्याच्या उपकरणात तुमची माहिती सुरक्षित राहील.
Aadhaar App New Features: नवीन अॅप कसे सेट करावे?
नवीन अॅप सुरू करण्याची प्रक्रिया जुन्या अॅपपेक्षा थोडी सविस्तर आहे, जी सुरक्षेच्या दृष्टीने अत्यंत महत्त्वाची आहे:
- गुगल प्ले स्टोअरवरून अधिकृत “Aadhaar” अॅप डाऊनलोड करा.
- तुमची आवडती भाषा निवडा आणि आधार कार्डशी लिंक असलेला मोबाईल नंबर टाकून ओटीपीद्वारे पडताळणी करा.
- सुरक्षिततेसाठी अॅपमध्ये एक पिन (PIN) सेट करा किंवा बायोमेट्रिक लॉक सुरू करा.
- यानंतर आधार नंबर टाकून पुन्हा एकदा ओटीपी किंवा चेहरा ओळखून लॉगिन प्रक्रिया पूर्ण करा.
मोफत आधार अपडेटसाठी मिळाली मुदतवाढ
नवीन अॅप लाँच करण्यासोबतच सरकारने नागरिकांना आणखी एक मोठा दिलासा दिला आहे. ऑनलाईन पद्धतीने आधारमधील कागदपत्रे, नाव किंवा पत्ता मोफत अपडेट करण्याची मुदत आता थेट 14 जून 2027 पर्यंत वाढवण्यात आली आहे. यापूर्वी ही मोफत सुविधा केवळ 15 जून 2026 पर्यंतच उपलब्ध राहणार होती, मात्र आता ती पुढील वर्षांपर्यंत मोफत सुरू राहील.
हे देखील वाचा – LPG Cylinder New Rules: गॅस ग्राहकांसाठी नवीन नियम लागू! ‘या’ तारखेपर्यंत PNG न घेतल्यास LPG कनेक्शन होणार बंद
