Best Places to Visit in May : मे महिना उजाडला की संपूर्ण भारतात सूर्याचा पारा चढू लागतो. कडाक्याच्या उन्हापासून सुटका मिळवण्यासाठी अनेकजण थंड हवेच्या ठिकाणांचा शोध घेऊ लागतात. उत्तर भारतापासून ते दक्षिण भारतापर्यंत अशी अनेक ठिकाणे आहेत, जिथे तुम्ही मे महिन्याच्या सुट्टीत कुटुंब, मित्र किंवा जोडीदारासोबत अविस्मरणीय वेळ घालवू शकता.
मे महिन्यात फिरण्यासाठी १० सर्वोत्तम ठिकाणे:
- मनाली (हिमाचल प्रदेश): उन्हाळ्यातील पर्यटकांचे हे सर्वात आवडते ठिकाण आहे. मे महिन्यातही इथे हवामान अतिशय आल्हाददायक असते. साहसी खेळांची आवड असणाऱ्यांसाठी पॅराग्लायडिंग आणि रिव्हर राफ्टिंगचे पर्याय येथे उपलब्ध आहेत. सोलांग व्हॅली आणि रोहतांग पास येथील बर्फाचा आनंद तुम्ही घेऊ शकता.
- महाबळेश्वर (महाराष्ट्र): मुंबई आणि पुण्याजवळ असलेल्या या थंड हवेच्या ठिकाणी मे महिन्यात पर्यटकांची मोठी गर्दी असते. येथील स्ट्रॉबेरी फार्म्स, वेण्णा लेक आणि धुक्यात हरवलेले डोंगर मनाला उभारी देतात. मॅप्रो गार्डनला भेट दिल्याशिवाय महाबळेश्वरची सहल पूर्ण होऊ शकत नाही.
- दार्जिलिंग (पश्चिम बंगाल): चहाच्या मळ्यांसाठी प्रसिद्ध असलेले दार्जिलिंग निसर्गप्रेमींसाठी नंदनवन आहे. कांचनजंगा शिखरावरून होणारा सूर्योदय पाहणे हा एक विलक्षण अनुभव असतो. येथील टॉय ट्रेनचा प्रवास बच्चेकंपनीसाठी खास आकर्षण ठरतो.
- उंटी (तमिळनाडू): ‘हिल स्टेशन्सची राणी’ म्हणून ओळखले जाणारे उटी मे महिन्यात फुलांच्या बहराने सजलेले असते. येथील बोटॅनिकल गार्डन आणि दोडाबेट्टा पीकवरून दिसणारे दृश्य डोळ्यांचे पारणे फेडते.
- मुन्नार (केरळ): शांतता आणि हिरवेगार डोंगर हवे असतील तर मुन्नारला नक्की जा. येथील चहाचे मळे आणि धुके पसरलेले डोंगर तुम्हाला एका वेगळ्याच जगात घेऊन जातील. एरविकुलम नॅशनल पार्कमध्ये तुम्ही दुर्मिळ वन्यजीवही पाहू शकता.
- नैनीताल (उत्तराखंड): नैनो लेकमध्ये बोटिंग करण्याचा आनंद काही वेगळाच असतो. सभोवतालचे हिरवे डोंगर आणि थंड वारा यामुळे नैनीताल कौटुंबिक सहलीसाठी एक उत्तम पर्याय आहे.
- लेह-लडाख (लडाख): मे महिन्यात लडाखमधील बर्फ वितळण्यास सुरुवात होते आणि रस्ते पर्यटकांसाठी खुले होतात. निळे आकाश आणि रांगडे डोंगर पाहण्यासाठी बाईकर्सची येथे मोठी गर्दी असते. पॅंगॉन्ग लेक आणि नुब्रा व्हॅली येथील सौंदर्य शब्दात मांडण्या पलीकडचे आहे.
- शिलाँग (मेघालय): ‘पूर्वेकडील स्कॉटलंड’ अशी ओळख असलेले शिलाँग मे महिन्यात अतिशय सुंदर दिसते. येथील एलिफंट फॉल्स आणि उमियम लेक पर्यटकांना आकर्षित करतात. येथील स्वच्छता आणि शांत वातावरण मनाला प्रसन्न करते.
- माउंट अबू (राजस्थान): राजस्थानातील हे एकमेव थंड हवेचे ठिकाण आहे. वाळवंटातील उष्णतेपासून वाचण्यासाठी लोक मोठ्या संख्येने येथे येतात. नक्की लेक आणि दिलवाडा मंदिर ही येथील मुख्य आकर्षणे आहेत.
- तवांग (अरुणाचल प्रदेश): गर्दीपासून दूर आणि निसर्गाच्या कुशीत जायचे असेल तर तवांगला पसंती द्या. मे महिन्यातही येथे थंडी जाणवते. येथील तवांग मॉनेस्ट्री आणि सेला पासमधील सौंदर्य पर्यटकांना भुरळ घालते.
मे महिन्याच्या सुट्टीत तुम्ही यापैकी कोणत्याही ठिकाणी जाऊन उन्हाळ्याच्या त्रासापासून स्वतःचा बचाव करू शकता आणि निसर्गाच्या सानिध्यात सुट्टीचा आनंद घेऊ शकता.
हे देखील वाचा –
