Vaibhav Suryavanshi Video: आयपीएल २०२६ चा नवा सेन्सेशन आणि राजस्थान रॉयल्सचा धडाकेबाज फलंदाज वैभव सूर्यवंशी सध्या मैदानावरील कामगिरीसोबतच मैदानाबाहेरील आपल्या मस्तीखोर अंदाजामुळे चर्चेत आहे. राजस्थान रॉयल्सने नुकताच वैभवचा एक मजेदार व्हिडिओ शेअर केला आहे, ज्यामध्ये हा १५ वर्षांचा खेळाडू चक्क स्वयंपाकघरात पोळ्या लाटताना दिसत आहे.
Vaibhav Suryavanshi Video: “आईच्या हातापेक्षाही गोल पोळी!”
शेअर केलेल्या या व्हिडिओमध्ये वैभव सूर्यवंशी ‘मास्टर शेफ’च्या भूमिकेत दिसत आहे. तो व्हिडिओमध्ये म्हणतो की, “मी बनवलेली पोळी माझ्या आईने बनवलेल्या पोळीपेक्षाही जास्त गोल आहे.” वैभवने केवळ पोळी लाटलीच नाही, तर ती गॅसवर भाजूनही दाखवली. त्याचा हा मजेशीर अंदाज अनेकांना आवडला असला तरी, सोशल मीडियावर एका मोठ्या वर्गाने यावर नाराजी व्यक्त केली आहे.
Vaibhav Suryavanshi Video: चाहते का संतापले?
राजस्थान रॉयल्सची टीम गेल्या ७ सामन्यांपैकी ५ सामने हरली आहे. संघाची कामगिरी खालावलेली असताना खेळाडू अशा व्हिडिओमध्ये व्यस्त असल्याचे पाहून चाहते भडकले आहेत. एका युजरने लिहिले, “भावा, आधी मॅच जिंकायला शिका,” तर दुसऱ्याने सुनावले की, “प्रॅक्टिसवर लक्ष दे, हे नंतरही करता येईल.”
Vaibhav Suryavanshi Video: वैभवची यंदाच्या हंगामातील कामगिरी
१५ वर्षांच्या या मुलाने अनुभवी गोलंदाजांची झोप उडवली आहे. त्याची यंदाच्या आयपीएलमधील आकडेवारी थक्क करणारी आहे:
- सामने: 11
- एकूण धावा: 440
- सरासरी: 40.00
- स्ट्राइक रेट: 236.56
- शतक/अर्धशतक: 1 शतक, 2 अर्धशतके
- चौके/छक्के: 38 चौके आणि स्पर्धेत सर्वाधिक 40 छक्के.
एकीकडे संघाची भिस्त या लहानग्या खांद्यावर असताना दुसरीकडे अशा प्रकारचे व्हिडिओ समोर आल्याने चाहत्यांनी राजस्थान रॉयल्सच्या व्यवस्थापनावर टीका केली आहे.
हे देखील वाचा – Uday Kotak Warning: “मोठा धक्का बसणार, तयारीत राहा!”; उदय कोटक यांचा देशाला इशारा; सामान्यांच्या खिशावर होणार परिणाम
