Bullet Train Network: भारतीय रेल्वे लवकरच दक्षिण आणि पश्चिम भारताचा चेहरामोहरा बदलण्याच्या तयारीत आहे. केंद्रीय रेल्वे मंत्री अश्विनी वैष्णव यांनी एका महत्त्वाच्या प्रकल्पाची माहिती दिली असून, यामध्ये अमरावती, हैदराबाद, चेन्नई, बेंगळुरू, पुणे आणि मुंबई या प्रमुख शहरांना बुलेट ट्रेनच्या माध्यमातून जोडण्याचा प्रस्ताव आहे. या ‘हाय-स्पीड डायमंड’ नेटवर्कमुळे तासनतास चालणारा प्रवास आता काही मिनिटांत पूर्ण होणार आहे.
Bullet Train Network: प्रवासाचा वेळ किती वाचणार?
या प्रस्तावित बुलेट ट्रेन नेटवर्कमुळे शहरांमधील अंतर कागदावरच नव्हे, तर प्रवासाच्या वेळेतही मोठ्या प्रमाणात कमी होईल:
- पुणे ते मुंबई: केवळ 48 मिनिटे.
- हैदराबाद ते पुणे: सुमारे 1 तास 55 मिनिटे.
- अमरावती ते हैदराबाद: अंदाजे 70 मिनिटे.
- अमरावती ते चेन्नई: सुमारे 112 मिनिटे.
- चेन्नई ते बेंगळुरू: 73 मिनिटे.
- हैदराबाद ते बेंगळुरू: सुमारे 2 तास 8 मिनिटे.
Bullet Train Network: आर्थिक विकासाचा नवा ‘कॉरिडॉर’
हा प्रकल्प केवळ प्रवासासाठी नसून तो देशाच्या अर्थव्यवस्थेला गती देणारा ठरेल. मुंबई-अहमदाबाद बुलेट ट्रेनप्रमाणेच, हा दक्षिण भारतातील कॉरिडॉर व्यापार, पर्यटन आणि उद्योगांना मोठी चालना देईल. औद्योगिक केंद्रे एकमेकांच्या जवळ आल्यामुळे दळणवळण सोपे होईल आणि रोजगाराच्या नवीन संधी निर्माण होतील.
Bullet Train Network: इतर महत्त्वाच्या रेल्वे घोषणा
बुलेट ट्रेनसोबतच रेल्वेने इतरही अनेक मोठे निर्णय घेतले आहेत:
- दक्षिण किनारपट्टी रेल्वे झोन: 1 जून 2026 रोजी या नवीन रेल्वे झोनची औपचारिक घोषणा होणार आहे.
- कोलकाता-चेन्नई कॉरिडॉर: या मार्गाचे चार पदरीकरण (फोर-लाइन) केले जाणार असून, यामुळे सुमारे 500 अतिरिक्त गाड्या चालवणे शक्य होईल.
- स्टेशन पुनर्विकास: देशातील रेल्वे स्थानकांचे आधुनिकीकरण करण्याच्या मोहिमेअंतर्गत 74 स्थानकांचा कायापालट केला जाणार आहे.
केंद्र सरकार परिवहन आणि डिजिटल पायाभूत सुविधांना विकासाची इंजिने मानत असून, या बुलेट ट्रेन प्रकल्पामुळे दक्षिण भारताच्या कनेक्टिव्हिटीमध्ये ऐतिहासिक बदल घडून येतील.
हे देखील वाचा –
Vidhan Parishad Election Process: विधान परिषद निवडणूक कशी होते? वाचा
