Maharashtra Board HSC Result 2026: बारावीचा निकाल कधी लागणार? समोर आली महत्त्वाची माहिती

Maharashtra Board HSC Result 2026: महाराष्ट्र राज्य माध्यमिक आणि उच्च माध्यमिक शिक्षण मंडळाकडून (MSBSHSE) घेण्यात आलेल्या बारावीच्या परीक्षेचा निकाल आता अंतिम टप्प्यात आला आहे. राज्यातील सुमारे 15 लाख विद्यार्थ्यांसह त्यांच्या पालकांचे लक्ष निकालाकडे लागले आहे.

ताज्या माहितीनुसार, बोर्डाकडून निकाल जाहीर करण्याची तयारी पूर्ण झाली असून, मे महिन्याच्या पहिल्या किंवा दुसऱ्या आठवड्यात निकालाची अधिकृत घोषणा केली जाऊ शकते.

Maharashtra Board HSC Result 2026: डिजीलॉकरवर ‘कमिंग सून’चे संकेत

निकालाबाबतची उत्सुकता वाढवणारी एक महत्त्वाची बाब म्हणजे ‘डिजीलॉकर’ (DigiLocker) या प्लॅटफॉर्मवर बारावीच्या निकालाचा विभाग अपडेट करण्यात आला आहे. तिथे ‘Class 12th Result 2026 Coming soon’ असा संदेश दिसत आहे. याचाच अर्थ असा की, बोर्डाने निकालाची प्रक्रिया पूर्ण केली असून कोणत्याही क्षणी लिंक सक्रिय होऊ शकते.

Maharashtra Board HSC Result 2026: निकालाचे महत्त्वाचे आकडे आणि तपशील

यंदा पुणे, मुंबई, नागपूर यांसह एकूण 9 विभागीय मंडळांमार्फत ही परीक्षा पार पडली. या परीक्षेसाठी नोंदणी केलेल्या 15,32,487 विद्यार्थ्यांमध्ये 8,20,229 मुले आणि 7,12,240 मुलींचा समावेश आहे. विशेष म्हणजे यंदा 18 तृतीयपंथी विद्यार्थ्यांनीही ही परीक्षा दिली आहे.

गेल्या वर्षीच्या निकालावर नजर टाकल्यास विज्ञानाचा निकाल 97.35% तर कला आणि वाणिज्य शाखांचा निकाल 92.68% लागला होता. यंदाही विज्ञान, कला, वाणिज्य आणि व्यावसायिक शाखांचा निकाल एकाच वेळी जाहीर केला जाईल.

Maharashtra Board HSC Result 2026: ऑनलाईन निकाल कसा पाहायचा?

निकाल जाहीर झाल्यावर तो पाहण्यासाठी खालील पद्धतीचा अवलंब करा:

1. सर्वात आधी hscresult.mkcl.org किंवा mahresult.nic.in या अधिकृत वेबसाईटला भेट द्या.
2. होम पेजवर असलेल्या ‘HSC Examination Result 2026’ या लिंकवर क्लिक करा.
3. आता तुमचा ‘सीट नंबर’ (Seat Number) आणि ‘आईचे नाव’ (Mother’s First Name) अचूक टाइप करा.
4. ‘View Result’ बटणावर क्लिक केल्यानंतर तुमचा निकाल स्क्रीनवर दिसेल.
5. भविष्यातील उपयोगासाठी गुणपत्रिकेची डिजिटल प्रत डाऊनलोड करा किंवा प्रिंट काढून ठेवा.

Maharashtra Board HSC Result 2026: महत्त्वाच्या तारखा

• बारावी परीक्षा कालावधी: 10 फेब्रुवारी ते 11 मार्च 2026.
• निकालाची अंदाजित वेळ: मे 2026 चा पहिला किंवा दुसरा आठवडा.

विद्यार्थी त्यांचा निकाल hscresult.mkcl.org, mahresult.nic.in आणि mahahsscboard.in या अधिकृत संकेतस्थळांवर पाहू शकतील.

हे देखील वाचा – 

Vidhan Parishad Election Process: विधान परिषद निवडणूक कशी होते? वाचा

UAE OPEC Exit: भारतासाठी गूड न्यूज! ओपेकच्या बंधनातून युएई मुक्त; आता स्वस्त आणि सुरक्षित दराने मिळणार कच्चे तेल