Sanjay Gandhi National Park Morning Walk Fee Hike: मुंबईचे फुफ्फुस म्हणून ओळखल्या जाणाऱ्या बोरिवली येथील संजय गांधी नॅशनल पार्क (SGNP) मध्ये सकाळी फिरायला जाणाऱ्या हजारो मुंबईकरांना मोठा आर्थिक फटका बसणार आहे. प्रशासनाने प्रभात फेरीसह विविध उपक्रमांच्या शुल्कात प्रचंड वाढ केली असून, नवीन दर मे 2026 पासून लागू होणार आहेत. या निर्णयामुळे नियमित व्यायाम करणाऱ्या आणि निसर्गप्रेमी नागरिकांमध्ये नाराजीचे वातावरण आहे.
Morning Walk Fee Hike: पासच्या किमतीत मोठी वाढ
नव्या परिपत्रकानुसार, प्रभात फेरीसाठी (मॉर्निंग वॉक) लागणाऱ्या वार्षिक पासच्या दरात धक्कादायक वाढ करण्यात आली आहे.
- नियमित नागरिक: वार्षिक पासचे दर 348 रुपयांवरून थेट 10,000 रुपये करण्यात आले आहेत. तर महिन्याचा पास 1,000 रुपयांना मिळेल.
- ज्येष्ठ नागरिक: ज्येष्ठ नागरिकांसाठी थोडा दिलासा देण्यात आला असून, त्यांना महिन्याला 500 रुपये किंवा वर्षाला 5,000 रुपये मोजावे लागतील.
Morning Walk Fee Hike: सफारी आणि इतर सेवाही महागल्या
केवळ मॉर्निंग वॉकच नाही, तर उद्यानातील इतर मनोरंजनाच्या सेवांच्या किमतीतही मोठी वाढ झाली आहे:
- सिंह आणि व्याघ्र सफारी: मोठ्यांसाठी 250 रुपयांऐवजी आता 750 रुपये आणि मुलांसाठी 125 रुपयांऐवजी 375 रुपये शुल्क आकारले जाईल.
- मिनी ट्रेन (वनराणी): तिकीट 100 रुपयांवरून 300 रुपये झाले आहे.
- कान्हेरी लेणी बस प्रवास: प्रवेशद्वारापासून लेणीपर्यंत जाणाऱ्या बसचे भाडे 100 रुपयांवरून 300 रुपये करण्यात आले आहे.
Morning Walk Fee Hike: नागरिकांचा संताप आणि तक्रारी
बोरिवली, कांदिवली आणि दहिसर परिसरातून दररोज सकाळी 5:30 ते 7:30 या वेळेत सुमारे 3,000 ते 5,000 नागरिक येथे व्यायामासाठी येतात. एकाच कुटुंबातील अनेक सदस्य येत असल्यास हे शुल्क परवडणारे नाही, अशी भावना स्थानिक रहिवासी व्यक्त करत आहेत. तसेच, शुल्क वाढवूनही स्वच्छतागृहे आणि सुरक्षेसारख्या मूलभूत सुविधांचा अभाव असल्याचे अनेक नियमित भेट देणाऱ्यांचे म्हणणे आहे.
Morning Walk Fee Hike: प्रशासनाची भूमिका
उद्यान प्रशासनाच्या मते, वाढती गर्दी नियंत्रित करण्यासाठी, पायाभूत सुविधांचा विकास करण्यासाठी आणि वन्यजीव संवर्धनासाठी अधिक निधीची आवश्यकता आहे. या दरवाढीतून मिळणारा पैसा उद्यानातील सुरक्षा व्यवस्था आणि नैसर्गिक समतोल राखण्यासाठी वापरला जाईल, असे अधिकाऱ्यांनी स्पष्ट केले आहे.
हे देखील वाचा –
