Best 350cc Bikes: भारतात ३५० सीसी इंजिन क्षमतेच्या बाईक्सची क्रेझ कधीच कमी होत नाही. जर तुम्हाला कमी बजेटमध्ये एक दणकट, विश्वासार्ह आणि ‘रॉयल’ फील देणारी मोटारसायकल हवी असेल, तर बाजारात काही उत्कृष्ट पर्याय उपलब्ध आहेत.
विशेषतः रॉयल एन्फिल्डच्या ताफ्यातील ३ अशा बाईक्स आहेत, ज्या तुमच्या खिशाला परवडतील अशा किमतीत येतात.
1. रॉयल एन्फिल्ड क्लासिक 350 (Royal Enfield Classic 350)
रेट्रो स्टाईल आणि आधुनिक फीचर्सची आवड असणाऱ्यांसाठी ही बाईक एक ‘प्रीमियम’ अनुभव देते. शहरात असो किंवा हायवेवर, या बाईकचा परफॉर्मन्स अत्यंत स्मूथ आहे. ३४९ सीसी इंजिनसह येणारी ही बाईक ३५ ते ४० किमी प्रतिलिटर इतके समाधानकारक मायलेज देऊ शकते. याची सुरुवातीची एक्स-शोरूम किंमत सुमारे 1.83 लाख रुपये आहे. लांबच्या प्रवासासाठी याची आरामदायी सीट अधिक सोयीची ठरते.
2. रॉयल एन्फिल्ड हंटर 350 (Royal Enfield Hunter 350)
या यादीतील सर्वात स्वस्त आणि वजनाने हलकी बाईक म्हणून हंटर ३५० कडे पाहिले जाते. आधुनिक लूक आणि सुटसुटीत डिझाईनमुळे तरुणांमध्ये या बाईकची मोठी क्रेझ आहे. यामध्ये ३४९ सीसीचे एअर-ऑईल कूल्ड इंजिन असून ती ३६ किमी प्रतिलिटरपर्यंत मायलेज देते. याची सुरुवातीची एक्स-शोरूम किंमत अवघी 1.38 लाख रुपये आहे, ज्यामुळे ही ३५० सीसी सेगमेंटमधील सर्वात परवडणारी बाईक ठरली आहे.
3. रॉयल एन्फिल्ड बुलेट 350 (Royal Enfield Bullet 350)
दशकांपासून भारतीय रस्त्यांवर राज्य करणारी ‘बुलेट’ आजही अनेकांचे स्वप्न आहे. आपल्या खास आवाजासाठी आणि ऐतिहासिक डिझाईनसाठी प्रसिद्ध असलेली ही बाईक सुमारे 1.60 लाख (एक्स-शोरूम) किमतीत उपलब्ध आहे. ३४९ सीसी इंजिन असलेली ही बाईक ३७ किमी प्रतिलिटरपर्यंत मायलेज देते. मजबूत बांधणी आणि दीर्घकाळ टिकणारी गुणवत्ता यामुळे जुन्या आणि नवीन अशा दोन्ही पिढीच्या ग्राहकांमध्ये ही लोकप्रिय आहे.
