Pak – Afagan War –पाकिस्तान आणि अफगाणिस्तानदरम्यान पुन्हा एकदा संघर्षाची ठिणगी पडली असून सीमावर्ती भागात झालेल्या भीषण हवाई हल्ल्यांमुळे दक्षिण आशियातील सुरक्षा परिस्थिती चिंताजनक बनली आहे. पाकिस्तानने अफगाणिस्तानातील दहशतवादी तळांवर कारवाई केल्याचा दावा केला असताना अफगाण तालिबानने मात्र नागरिकांवर हल्ला झाल्याचा आरोप करत कठोर प्रत्युत्तराचा इशारा दिला .
पाकिस्तानच्या लष्कराने अफगाणिस्तानातील Nangarhar Province आणि Paktika Province या सीमावर्ती प्रांतांमध्ये रविवारी रात्री हवाई हल्ले केले. तालिबान सरकारचे प्रवक्ते Zabihullah Mujahid यांनी सोशल मीडियावर दिलेल्या माहितीनुसार, या बॉम्बहल्ल्यांमध्ये महिला आणि मुलांसह किमान १९ नागरिकांचा मृत्यू झाला असून अनेक जण जखमी झाले आहेत.
अफगाण संरक्षण मंत्रालयाने या कारवाईचा तीव्र निषेध करत धार्मिक शाळा आणि निवासी भाग लक्ष्य करण्यात आल्याचा आरोप केला आहे. या हल्ल्यांना आंतरराष्ट्रीय कायद्याचे उल्लंघन ठरवत “योग्य वेळी ठोस प्रत्युत्तर दिले जाईल” असा इशाराही देण्यात आला.
दरम्यान, पाकिस्तानचे माहिती मंत्री Attaullah Tarar यांनी हल्ल्याची पुष्टी करत ही कारवाई गुप्तचर माहितीच्या आधारे करण्यात आल्याचे सांगितले. पाकिस्तानच्या मते, सीमावर्ती भागातील सात दहशतवादी तळ आणि लपण्याची ठिकाणे लक्ष्य करण्यात आली.तर तरार यांनी ‘एक्स’वरील पोस्टमध्ये हल्ल्याच्या बातमीला दुजोरा दिला आहे. त्यांनी म्हटले आहे की, गुप्त माहितीच्या आधारे पाकिस्तानने सीमावर्ती भागातील सात दहशतवादी तळांवर कारवाई केली आहे. इस्लामाबादमधील एका मशिदीवरील अलीकडील झालेल्या हल्ल्याची जबाबदारी स्वीकारलेल्या दहशतवादी संघटनेलच्या तळावर हा हल्ला करण्यात आला. त्या हल्ल्यात ३१ जणांचा मृत्यू झाला आणि १६० हून अधिक जखमी झाले होते.
इस्लामाबादमधील मशिदीवर झालेल्या आत्मघाती हल्ल्यास जबाबदार असलेल्या दहशतवादी संघटनांविरोधात ही कारवाई करण्यात आल्याचा दावा करण्यात आला आहे. त्या हल्ल्यात ३० हून अधिक लोकांचा मृत्यू झाला होता.
पाकिस्तानने या कारवाईत Tehrik-i-Taliban Pakistan (टीटीपी) आणि Islamic State – Khorasan Province (ISKP) संबंधित तळ उद्ध्वस्त केल्याचा दावा केला आहे. पाकिस्तानचा आरोप आहे की, अलीकडील दहशतवादी हल्ल्यांचे नियोजन अफगाणिस्तानातील नेतृत्वाच्या मदतीने करण्यात आले होते.
युद्धबंदी धोक्यात?
गेल्या वर्षी ऑक्टोबरमध्ये झालेल्या रक्तरंजित सीमा संघर्षानंतर दोन्ही देशांमध्ये नाजूक युद्धबंदी लागू करण्यात आली होती. मात्र ताज्या हल्ल्यांमुळे ही शांतता धोक्यात आली असून सीमावर्ती भागात पुन्हा लष्करी तणाव वाढण्याची शक्यता व्यक्त केली जात आहे.
अफगाण तालिबानने पाकिस्तानला थेट जबाबदार धरत प्रत्युत्तरात्मक कारवाईचा इशारा दिल्याने परिस्थिती अधिक चिघळण्याची चिन्हे दिसत आहेत. दक्षिण आशियातील सुरक्षेच्या दृष्टीने हा संघर्ष गंभीर वळण घेण्याची भीती तज्ज्ञांनी व्यक्त केली आहे.
प्रादेशिक स्थैर्यावर परिणाम
अलिकडच्या काळात पाकिस्तानमध्ये वाढलेल्या दहशतवादी हल्ल्यांसाठी इस्लामाबाद सातत्याने अफगाण भूमीचा वापर होत असल्याचा आरोप करत आहे. मात्र तालिबान प्रशासनाने अशा आरोपांना नकार दिला आहे. दोहा करारानुसार अफगाण भूमीचा वापर इतर देशांविरुद्ध होऊ नये, याची जबाबदारी तालिबानवर असल्याचे पाकिस्तानने पुन्हा अधोरेखित केले आहे.
दरम्यान, दोन्ही अण्वस्त्रधारी प्रदेशांच्या शेजारी असलेल्या या संघर्षामुळे संपूर्ण दक्षिण आशियात अस्थिरतेची भीती निर्माण झाली असून आंतरराष्ट्रीय समुदायाचे लक्ष आता या तणावाकडे लागले आहे.
हे देखील वाचा –
वाल्मिक कराडच्या मुलांपासून आम्हाला धोका’; महादेव मुंडेंच्या पत्नीची थेट एसपींकडे धाव
शरद पवार पुन्हा अॅडमिट ; हायड्रेशनचा त्रास
अर्थसंकल्पीय अधिवेशनापूर्वीच राजकारण तापले; विरोधकांचा चहापानावर बहिष्कार
