Atal Pension Yojana: भविष्यातील आर्थिक गरजांचा विचार करून आजच गुंतवणूक करणे शहाणपणाचे ठरते. विशेषतः असंघटित क्षेत्रातील लोकांसाठी केंद्र सरकारची ‘अटल पेन्शन योजना’ (APY) वरदान ठरत आहे. या योजनेत सहभागी होणाऱ्यांची संख्या 9 कोटींच्या पार गेली आहे. वयाच्या 60 नंतर नियमित उत्पन्नाची खात्री देणारी ही योजना सध्या प्रचंड लोकप्रिय होत आहे.
Atal Pension Yojana:योजनेचे स्वरूप आणि वैशिष्ट्ये:
अटल पेन्शन योजना ही पीएफआरडीए (PFRDA) मार्फत चालवली जाणारी सुरक्षित योजना आहे. यामध्ये गुंतवणूकदाराला त्याच्या आवडीनुसार दरमहा 1,000 ते 5,000 रुपयांपर्यंत पेन्शन निवडण्याची मुभा असते. ही पेन्शन सरकारी हमीसह मिळत असल्याने यात जोखीम शून्य आहे.
Atal Pension Yojana: गुंतवणुकीचे गणित: लवकर सुरुवात, मोठा फायदा
तुम्ही कोणत्या वयात गुंतवणूक सुरू करता, यावर तुमचा मासिक हप्ता ठरतो. 5,000 रुपये पेन्शनसाठी वयानुसार लागणारा निधी खालीलप्रमाणे आहे:
- 18 व्या वर्षी सुरुवात: जर तुम्ही तरुण वयात ही योजना घेतली, तर दरमहा केवळ 210 रुपये भरावे लागतील. पुढील 42 वर्षे ही गुंतवणूक सुरू राहील.
- 30 व्या वर्षी सुरुवात: या वयात गुंतवणूक सुरू केल्यास मासिक हप्ता 577 रुपये इतका असेल.
- 40 व्या वर्षी सुरुवात: जर तुम्ही वयाच्या चाळीशीत ही योजना सुरू केली, तर तुम्हाला दरमहा 1,454 रुपये गुंतवावे लागतील.
थोडक्यात, जितका उशीर कराल तितका गुंतवणुकीचा हप्ता वाढत जातो. या गुंतवणुकीतून तुमच्या नॉमिनीसाठी सुमारे 8.5 लाख रुपयांचा निधीही तयार होतो.
Atal Pension Yojana: कुटुंबाला मिळणारे दुहेरी संरक्षण:
केवळ पेन्शनच नाही, तर ही योजना तुमच्या कुटुंबालाही सुरक्षित करते.
- जोडीदाराला लाभ: गुंतवणूकदाराचा मृत्यू झाल्यास, त्याच्या पती किंवा पत्नीला तितकीच पेन्शन आयुष्यभर मिळत राहते.
- नॉमिनीला परतावा: पती-पत्नी दोघांच्या मृत्यूनंतर, जमा झालेली संपूर्ण रक्कम (8.5 लाख रुपये) वारसाला (Nominee) सुपूर्द केली जाते.
Atal Pension Yojana: सहभागी होण्यासाठी पात्रता:
- वय: 18 ते 40 वर्षांच्या दरम्यान असावे.
- बँक खाते: स्वतःचे बचत खाते किंवा पोस्ट ऑफिस खाते असणे अनिवार्य आहे.
- नोंदणी: बँक खात्यातून ऑटो-डेबिट सुविधेद्वारे हप्ते कापले जातात.
वयाची 60 वर्षे पूर्ण होताच तुमची पेन्शन सुरू होते. विशेष म्हणजे, दरवर्षी एप्रिल महिन्यात तुम्हाला पेन्शनची रक्कम वाढवण्याचा किंवा कमी करण्याचा अधिकार असतो.
हे देखील वाचा –
