Jio OTT Pass Offer: आजच्या डिजिटल युगात जवळपास प्रत्येक स्मार्टफोन यूजर्स मनोरंजनासाठी एकापेक्षा जास्त ओटीटी प्लॅटफॉर्म्सचा वापर करतो. मात्र, चांगल्या वेब सीरिज आणि चित्रपट पाहण्यासाठी प्रत्येक प्लॅटफॉर्मचे वेगळे सबस्क्रिप्शन खरेदी करावे लागते, जे सर्वसामान्यांच्या खिशाला परवडणारे नसते. ग्राहकांची हीच अडचण ओळखून भारताची सर्वात मोठी टेलिकॉम कंपनी रिलायन्स जिओने एक भन्नाट ऑफर आणली आहे.
जिओने बाजारात आणलेला 200 रुपयांचा ओटीटी पास भारतीय ग्राहकांसाठी अत्यंत फायदेशीर सौदा ठरत आहे. कमीत कमी खर्चात जास्तीत जास्त प्लॅटफॉर्म्सचा आनंद एकाच वेळी घेता यावा, या उद्देशाने या प्लॅनची रचना करण्यात आली आहे.
Jio OTT Pass Offer: २०० रुपयांच्या प्लॅनमध्ये मिळणारे मोठे फायदे
जिओच्या या नवीन रिचार्ज पॅकमध्ये ग्राहकांना मनोरंजनाचा संपूर्ण खजिना मिळणार आहे. या प्लॅनचे मुख्य वैशिष्ट्ये खालीलप्रमाणे आहेत:
- १५ ओटीटी प्लॅटफॉर्म्सचे सबस्क्रिप्शन: यामध्ये युट्यूब प्रीमियम, प्राईम व्हिडिओ मोबाईल, जिओहॉटस्टार, सोनीलिव्ह, झी५, लायन्सगेट प्ले, डिस्कव्हरी प्लस, सन नेक्स्ट, कंचा लंका, प्लॅनेट मराठी, होईचोई, फॅनकोड, टाईम्स प्ले, तरंग प्लस आणि जिओटीव्ही या आघाडीच्या १५ ॲप्सचा समावेश आहे.
- १,००० पेक्षा जास्त टीव्ही चॅनेल्स: डिजिटल प्लॅटफॉर्म्सशिवाय ग्राहकांना 1000 पेक्षा जास्त लाईव्ह टीव्ही चॅनेल्स (आयपीटीव्ही) देखील मोफत पाहायला मिळतील.
- डेटा आणि व्हॅलिडिटी: या पॅकची वैधता 28 दिवसांची असून ग्राहकांना वापरण्यासाठी एकूण 30GB हाय-स्पीड 4G डेटा दिला जात आहे.
Jio OTT Pass Offer: हा प्लॅन सर्वोत्तम का मानला जात आहे?
या प्लॅनचे सर्वात मोठे वैशिष्ट्य म्हणजे यामध्ये मिळणारे ‘युट्यूब प्रीमियम’ सबस्क्रिप्शन. सामान्यतः युट्यूब प्रीमियमसाठी ग्राहकांना दरमहा स्वतंत्रपणे 149 रुपये खर्च करावे लागतात. मात्र, जिओच्या 200 रुपयांच्या या पासमध्ये युट्यूब प्रीमियम आधीच समाविष्ट असल्याने हा प्लॅन ग्राहकांसाठी पैशांची थेट बचत करणारा ठरत आहे.
त्याशिवाय, फॅनकोडमुळे क्रीडाप्रेमींना लाईव्ह मॅचेस पाहता येतील, तर प्राईम व्हिडिओ आणि जिओहॉटस्टारमुळे नवीन सिनेमे पाहता येतील. जरी या यादीत नेटफ्लिक्सचा समावेश नसला, तरी इतर सर्व मोठे प्लॅटफॉर्म्स अगदी कमी किंमतीत उपलब्ध करून देण्यात आले आहेत.
Jio OTT Pass Offer: रिचार्ज करण्यापूर्वी ‘या’ अटी लक्षात ठेवा
जिओचा हा नवा ओटीटी पास कंपनीच्या सर्व प्रीपेड ग्राहकांसाठी उपलब्ध आहे, परंतु त्याचा लाभ घेण्यासाठी एक महत्त्वाची अट आहे.
- ग्राहकांच्या नंबरवर आधीपासूनच एखादा मूळ रिचार्ज प्लॅन (एक्टिव्ह बेस प्लॅन) चालू असणे आवश्यक आहे, ज्याची सर्व्हिस व्हॅलिडिटी शिल्लक असावी.
- जर मुख्य प्लॅन सक्रिय नसेल, तर या ओटीटी पासमधील डेटा आणि इतर फायदे काम करणार नाहीत.
विशेष म्हणजे, कंपनीने पूर्वी याच प्लॅनमध्ये केवळ 5GB डेटा दिला होता. परंतु, आता ग्राहकांची गरज ओळखून त्यात थेट 25GB अतिरिक्त डेटा वाढवून एकूण 30GB डेटा देण्यास सुरुवात केली आहे. यामुळे प्रवासादरम्यान देखील युजर्स विनाअडथळा व्हिडिओ स्ट्रीमिंग करू शकतात.
हे देखील वाचा – Abhishek Banerjee Attacked: “शासकच बनले मारेकरी!”; पुतण्यावर झालेल्या हल्ल्यानंतर ममता बॅनर्जींचा भाजप सरकारवर हल्लाबोल
