Vaibhav Sooryavanshi India debut : भारतीय क्रिकेटमध्ये सध्या एकाच नावाची चर्चा आहे, ती म्हणजे १५ वर्षांचा फलंदाज वैभव सूर्यवंशी. आयपीएल २०२६ मध्ये आपल्या स्फोटक फलंदाजीने दिग्गजांना थक्क करणाऱ्या या खेळाडूवर निवड समितीचे अध्यक्ष अजित आगरकर मोठी खेळी खेळण्याचे संकेत दिले आहेत. आयपीएल संपल्यानंतर जून महिन्यात होणाऱ्या आयर्लंड दौऱ्यासाठी वैभवचे नाव शॉर्टलिस्ट करण्यात आले आहे.
Vaibhav Sooryavanshi India debut : सचिन तेंडुलकरचा विक्रम धोक्यात?
जर वैभव सूर्यवंशीने आयर्लंडविरुद्धच्या मालिकेत पदार्पण केले, तर तो भारताकडून आंतरराष्ट्रीय क्रिकेट खेळणारा सर्वात तरुण खेळाडू ठरेल. सध्या हा विक्रम महान फलंदाज सचिन तेंडुलकरच्या नावे आहे, ज्याने १६ व्या वर्षी पदार्पण केले होते. २६ आणि २८ जून रोजी होणाऱ्या दोन टी२० सामन्यांच्या मालिकेसाठी बीसीसीआय वैभवला संधी देऊन त्याला ‘फास्ट-ट्रॅक’ करण्याच्या तयारीमध्ये आहे.
Vaibhav Sooryavanshi India debut : आयपीएल २०२६ मधील वादळी कामगिरी
राजस्थान रॉयल्सने १.१ कोटी रुपयांना खरेदी केलेल्या या खेळाडूने या हंगामात जगातील सर्वोत्तम गोलंदाजांची धुलाई केली आहे:
- जसप्रीत बुमराह: जगातील सर्वोत्तम टी२० गोलंदाज मानल्या जाणाऱ्या बुमराहला त्याने पहिल्याच चेंडूवर षटकार मारला.
- जोश हेझलवूड: बेंगळुरूविरुद्धच्या सामन्यात त्याने हेझलवूडच्या एकाच ओव्हरमध्ये १९ धावा कुटल्या.
- वेगवान शतक: याआधी त्याने गुजरात टायटन्सविरुद्ध अवघ्या ३५ चेंडूंत शतक झळकावून सर्वांचे लक्ष वेधले होते.
दिग्गजांकडून कौतुकाचा वर्षाव
आयपीएलचे अध्यक्ष अरुण धुमल यांनी वैभवचे कौतुक करताना म्हटले की, “वैभवने या वयात दाखवलेली प्रतिभा दुर्मिळ आहे, तो नक्कीच भारतासाठी सर्वात तरुण पदार्पणवीर होण्यास पात्र आहे.” इतकेच नव्हे तर इंग्लंडचा माजी कर्णधार मायकल वॉननेही बीसीसीआयला सल्ला दिला आहे की, अशा प्रतिभावान खेळाडूला विलंब न लावता तातडीने संघात स्थान द्यावे.
अंडर-१९ वर्ल्ड कपच्या फायनलमध्ये इंग्लंडविरुद्ध १७५ धावांची ऐतिहासिक खेळी करून भारताला सहावे विजेतेपद मिळवून देण्यात वैभवचा मोलाचा वाटा होता. आता आयर्लंड आणि त्यानंतर झिम्बाब्वे दौऱ्यावर त्याची बॅट तळपली, तर आगामी टी२० वर्ल्ड कपच्या दृष्टीने तो भारताचा हुकुमी एक्का ठरू शकतो.
हे देखील वाचा – Modi-Trump Call: मोदी-ट्रम्प यांच्यात 40 मिनिटे खलबतं! ‘या’ महत्त्वाच्या मुद्यांवर झाली चर्चा
