Ferrari Luce EV: सुपरकार बनवण्यासाठी जगभरात प्रसिद्ध असलेल्या इटलीच्या फेरारी कंपनीने वाहन जगतात एक नवा इतिहास रचला आहे. फेरारीने रोममध्ये आयोजित एका भव्य कार्यक्रमात आपली पहिलीवहिली पूर्णपणे इलेक्ट्रिक उत्पादन कार ‘फेरारी लुचे’ जगासमोर सादर केली आहे.
पारंपारिक इंधन आणि हायब्रिड इंजिनच्या पलीकडे जाऊन कंपनीने पूर्णपणे विजेवर चालणाऱ्या या वाहनाची निर्मिती केली आहे. फेरारीच्या मल्टी-एनर्जी धोरणातील हे एक अत्यंत महत्त्वाचे आणि क्रांतिकारी पाऊल मानले जात आहे.
Ferrari Luce EV: वेग असा की अचंबित व्हाल! पाहा पॉवर आणि परफॉर्मन्स
थेट इलेक्ट्रिक प्लॅटफॉर्मवर तयार करण्यात आलेल्या या कारची तांत्रिक बाजू अतिशय मजबूत आहे. वेगाच्या बाबतीत या कारने सर्व रेकॉर्ड मोडले आहेत:
- ४ स्वतंत्र मोटर्स: कारच्या चारही चाकांवर स्वतंत्रपणे नियंत्रित होणारी प्रत्येकी १ अशी एकूण 4 इलेक्ट्रिक मोटर्स बसवण्यात आल्या आहेत.
- अफाट ताकद: या कारची सिस्टीम तब्बल 1,050 हॉर्सपॉवरची अवाढव्य ताकद निर्माण करते.
- सुपरफास्ट वेग: ही कार अवघ्या 2.5 सेकंदात 0 ते 100 किलोमीटर प्रति तास आणि फक्त 6.8 सेकंदात 0 ते 200 किलोमीटर प्रति तास इतका वेग पकडू शकते.
- टॉप स्पीड आणि रेंज: कारचा कमाल वेग ताशी 310 किलोमीटरपेक्षा जास्त आहे. तसेच एकदा पूर्ण चार्ज केल्यानंतर ही कार 530 किलोमीटरपेक्षा जास्त अंतर धावू शकते, असा कंपनीचा दावा आहे.
Ferrari Luce EV: फेरारीच्या कारमध्ये पहिल्यांदाच ५ आसने
लुचे मॉडेलच्या निमित्ताने फेरारीने आपल्या गाड्यांमध्ये अनेक गोष्टी पहिल्यांदाच समाविष्ट केल्या आहेत. या कारमध्ये 4 दरवाजे देण्यात आले असून फेरारीच्या इतिहासात पहिल्यांदाच 5 जणांच्या बसण्याची व्यवस्था म्हणजेच ५-सीटर लेआउट करण्यात आला आहे. इलेक्ट्रिक प्लॅटफॉर्ममुळे इंजिनची जागा वाचली असून, कारच्या आतमध्ये प्रवाशांसाठी पूर्वीपेक्षा खूप जास्त आणि मोकळी जागा (कॅबिन स्पेस) उपलब्ध झाली आहे.
Ferrari Luce EV: अॅपलच्या माजी डिझायनरची साथ
या कारच्या अप्रतिम डिझाईनसाठी फेरारीने ‘लव्हफ्रॉम’ या प्रसिद्ध डिझाईन कलेक्टिव्हसोबत भागीदारी केली आहे, ज्याचे नेतृत्व अॅपल कंपनीचे माजी मुख्य डिझायनर सर जोनी इव्ह आणि मार्क न्यूसन करत आहेत.
कारचा बाहेरील भाग एका काचेच्या कवचासारखा दिसतो. कारच्या अंतर्गत भागात अत्याधुनिक ओलेड (OLED) डिस्प्ले स्क्रीन आणि गाण्यांचा आनंद घेण्यासाठी 21 स्पीकर्सची शानदार ऑडिओ सिस्टीम देण्यात आली आहे.
Ferrari Luce EV: अत्याधुनिक तंत्रज्ञान आणि सुपरफास्ट चार्जिंग
या कारमध्ये सुरक्षेसाठी आणि नियंत्रणासाठी प्रगत व्हेईकल कंट्रोल युनिट बसवण्यात आले आहे, जे सेकंदाला 200 वेळा वाहनाच्या गतीची तपासणी करून सिस्टीम अपडेट करते.
चार्जिंगचा विचार केल्यास, ही कार 350 किलोवॅट डीसी फास्ट चार्जिंगला सपोर्ट करते. योग्य चार्जिंग परिस्थितीत अवघ्या 20 मिनिटांत कारची बॅटरी तब्बल 70 किलोवॅटपर्यंत चार्ज होऊ शकते. ग्राहकांचा विश्वास जिंकण्यासाठी फेरारीने या इलेक्ट्रिक कारच्या घटकांवर 8 वर्षांची वॉरंटी आणि 7 वर्षांचा मोफत देखभाल कार्यक्रम जाहीर केला आहे.
हे देखील वाचा – LPG Cylinder New Rules: गॅस ग्राहकांसाठी नवीन नियम लागू! ‘या’ तारखेपर्यंत PNG न घेतल्यास LPG कनेक्शन होणार बंद
