Surya Grahan 2026: खगोलशास्त्र आणि ज्योतिषशास्त्राच्या दृष्टीने सूर्यग्रहण ही अत्यंत महत्त्वाची आणि कुतूहल निर्माण करणारी घटना मानली जाते. जेव्हा अंतराळात फिरता फिरता चंद्र हा सूर्य आणि पृथ्वीच्या अगदी मध्ये येतो, तेव्हा तो सूर्याचा प्रकाश पृथ्वीपर्यंत पोहोचण्यापासून रोखतो. या स्थितीमध्ये चंद्राची सावली पृथ्वीवर पडते आणि भरदिवसा अंधार सदृश परिस्थिती निर्माण होते. यालाच आपण सूर्यग्रहण म्हणतो. या वर्षातील दुसरे आणि शेवटचे सूर्यग्रहण 12 ऑगस्ट 2026, बुधवारच्या दिवशी लागणार आहे.
विशेष योगायोग म्हणजे यंदाचे हे शेवटचे ग्रहण पवित्र श्रावण महिन्यात लागणार असून ते कर्क राशीमध्ये होणार आहे. खगोलीय दृष्टीने हे कंकणाकृती सूर्यग्रहण असेल. या दरम्यान आकाशात सूर्य एका सोन्याच्या अंगठीसारखा म्हणजेच ‘रिंग ऑफ फायर’च्या रूपात चमकेल.
Surya Grahan 2026: सूर्यग्रहणाची वेळ आणि सुतक काळ
भारतीय वेळेनुसार, हे सूर्यग्रहण 12 ऑगस्ट 2026 च्या रात्री 09 वाजून 5 मिनिटांनी सुरू होईल आणि दुसऱ्या दिवशी म्हणजेच 13 ऑगस्ट 2026 च्या पहाटे 04 वाजून 25 मिनिटांपर्यंत चालेल.
हे ग्रहण मुख्यत्वे युरोप, उत्तर अमेरिका आणि उत्तर गोलार्धातील देशांमध्ये स्पष्टपणे दिसणार आहे. हे ग्रहण भारतात दिसणार नाही, त्यामुळे येथील नागरिकांसाठी याचा सुतक काळ आणि त्याशी संबंधित नियम मान्य नसतील.
Surya Grahan 2026: या ४ राशींच्या अडचणी वाढणार? राहावे लागेल सावध
हे ग्रहण कर्क राशीत लागत असल्यामुळे ज्योतिषशास्त्रानुसार काही राशींच्या जातकांनी या काळात विशेष काळजी घेण्याची गरज आहे:
- कर्क: ग्रहण याच राशीत होत असल्याने या लोकांना सर्वाधिक सतर्क राहावे लागेल. मानसिक ताणतणाव वाढू शकतो, प्रकृती बिघडण्याची शक्यता आहे आणि निर्णय घेताना गोंधळ उडू शकतो. वादविवाद आणि अपघातांपासून दूर राहावे.
- मेष: अनपेक्षित खर्च वाढल्यामुळे आर्थिक नुकसान होण्याचे योग आहेत. बोलण्यावर ताबा ठेवणे गरजेचे आहे, अन्यथा जवळच्या व्यक्तींसोबतचे संबंध बिघडतील. या काळात मोठी गुंतवणूक करणे टाळावे.
- तुला: मुलांच्या आरोग्याची किंवा भविष्याची काळजी सतावू शकते. प्रेमसंबंध आणि विद्यार्थ्यांच्या अभ्यासात अडथळे येऊ शकतात. आर्थिक बजेट कोलमडू नये म्हणून पैशांचे व्यवहार सायलोप करावेत.
- मकर: भागीदारीत करत असलेल्या व्यवसायात आणि वैवाहिक जीवनात तणाव निर्माण होऊ शकतो. नोकरीच्या ठिकाणी सहकाऱ्यांसोबत किंवा वरिष्ठ अधिकाऱ्यांसोबत मतभेद होण्याची शक्यता आहे.
३ राशींसाठी ठरणार अत्यंत भाग्यवान
हे सूर्यग्रहण सर्वच राशींसाठी त्रासदायक ठरेल असे नाही. मिथुन, कन्या आणि मीन या ३ राशींच्या लोकांसाठी हा काळ अत्यंत शुभ आणि प्रगतीचा असणार आहे:
- कार्यक्षेत्रात मानाचे स्थान, पदोन्नती आणि वरिष्ठांकडून आदर मिळण्याचे प्रबळ योग आहेत.
- नोकरी आणि करिअरमध्ये प्रगतीच्या अनेक सुवर्णसंधी चालून येतील.
- व्यवसायात अपेक्षेप्रमाणे आर्थिक वृद्धी पाहायला मिळेल.
- बऱ्याच काळापासून रखडलेले किंवा अडकलेले पैसे परत मिळतील.
हे देखील वाचा – ODI World Cup 2027: क्रिकेट चाहत्यांची प्रतीक्षा संपली! वन-डे विश्वचषक 2027 च्या तारखा जाहीर; 14 संघांमध्ये रंगणार महामुकाबला
