Munawar Faruqui : सुप्रसिद्ध स्टँड-अप कॉमेडियन आणि ‘बिग बॉस’ विजेता मुनव्वर फारुकी सध्या त्याच्या वैयक्तिक आयुष्यामुळे पुन्हा एकदा प्रसारमाध्यमांमध्ये आणि सोशल मीडियावर चर्चेत आला आहे. मुनव्वरच्या घरी एका चिमुकल्या पाहुण्याचे आगमन झाले असून तो पुन्हा एकदा बाबा झाला आहे. त्याच्या दुसऱ्या पत्नीने एका गोंडस मुलीला जन्म दिला असून, मुनव्वरने ही आनंदाची बातमी स्वतः सोशल मीडियाच्या माध्यमातून आपल्या चाहत्यांसोबत शेअर केली आहे.
मुनव्वर फारुकीने आपल्या अधिकृत इन्स्टाग्राम अकाऊंटवर काही हृदयस्पर्शी छायाचित्रे (Photos) पोस्ट करत ही आनंदाची बातमी दिली. यातील पहिल्या छायाचित्रात त्याची दुसरी पत्नी महजबी कोटवाला आपल्या नवजात बालिकेला मायेने कडेवर घेताना दिसत आहे. दुसऱ्या छायाचित्रात मुनव्वरने आपल्या पत्नीचा हात प्रेमाने हातात घेतल्याचे पाहायला मिळते. याशिवाय त्याने रुग्णालयातील बाहेरील परिसराचे आणि बाळाच्या सुंदर पाळण्याचेही काही फोटो शेअर केले आहेत. ही छायाचित्रे सध्या इंटरनेटवर प्रचंड व्हायरल होत आहेत.
‘घर बरकत आई…’; मुनव्वरची भावूक पोस्ट-
आपल्या मुलीच्या जन्माची बातमी देताना मुनव्वरने सोशल मीडियावर एक अतिशय सुंदर आणि कृतज्ञता व्यक्त करणारी कॅप्शन लिहिली आहे. त्याने लिहिले, “घर बरकत आई… ईश्वरकृपेने आम्हाला हा आशीर्वाद मिळाला आहे. तुमच्या प्रार्थनेत आमची नक्की आठवण ठेवा. त्याच्या या पोस्टनंतर चाहत्यांनी आणि मनोरंजन विश्वातील अनेक कलाकारांनी त्याच्यावर कौतुकाचा व शुभेच्छांचा वर्षाव सुरू केला आहे. बॉलिवूडचा प्रसिद्ध अभिनेता वरुण धवनने या पोस्टवर कमेंट करत मुनव्वरचे अभिनंदन केले आहे. वरुणने लिहिले, “अभिनंदन भावा!
