IPL 2026 Final: आयपीएल 2026 च्या महाअंतिम सामन्याचा भव्य मंच आता पूर्णपणे तयार झाला आहे. यंदाच्या किताबासाठी गतविजेता रॉयल चॅलेंजर्स बेंगळुरू (RCB) आणि बलाढ्य गुजरात टायटन्स (GT) यांच्यात काट्याची टक्कर पाहायला मिळणार आहे. या दोन संघांमधील लढतीमुळे क्रीडाप्रेमींमध्ये प्रचंड उत्सुकता निर्माण झाली आहे.
गेल्या वर्षी म्हणजेच 2025 मध्ये आरसीबीने आपले 18 वर्षांचे जेतेपदाचे स्वप्न पूर्ण केले होते. आता हा संघ सलग दुसऱ्यांदा ट्रॉफी जिंकून इतिहास रचण्याच्या इराद्याने मैदानात उतरेल. तर दुसरीकडे, गुजरातचा संघ आपले दुसरे आयपीएल विजेतेपद मिळवण्यासाठी जीवाचे रान करेल.
IPL 2026 Final: फायनल सामन्याची वेळ आणि ठिकाण
क्रिकेट इतिहासातील हा सर्वात मोठा सामना जगातील सर्वात मोठ्या क्रिकेट स्टेडियमवर खेळवला जाणार आहे:
- मॅच: रॉयल चॅलेंजर्स बेंगळुरू विरुद्ध गुजरात टायटन्स
- तारीख: 31 मे 2026
- वेळ: भारतीय वेळेनुसार संध्याकाळी 7:30 वाजता
- मैदान: नरेंद्र मोदी स्टेडियम, अहमदाबाद
IPL 2026 Final: दोन्ही संघांचा अंतिम फेरीपर्यंतचा रंजक प्रवास
यंदाच्या संपूर्ण हंगामात या दोन्ही संघांनी उत्कृष्ट आणि सातत्यपूर्ण कामगिरीचे प्रदर्शन करत फायनलमध्ये जागा मिळवली आहे.
- आरसीबीचा प्रवास: साखळी फेरीत 9 विजय आणि 4 पराभवांसह 18 गुण मिळवून आरसीबी गुणतालिकेत पहिल्या स्थानावर होती. त्यानंतर क्वालिफायर 1 च्या सामन्यात त्यांनी गुजरातचा 92 धावांनी मोठा पराभव करत थेट फायनलचे तिकीट बुक केले.
- गुजरातचा प्रवास: साखळी फेरीत पहिल्या दोन स्थानांमध्ये राहिल्यानंतर, गुजरातला पहिल्या क्वालिफायरमध्ये आरसीबीकडून पराभव स्वीकारावा लागला होता. मात्र, त्यांनी शानदार पुनरागमन करत क्वालिफायर 2 च्या सामन्यात राजस्थान रॉयल्सवर 7 गडी राखून दणदणीत विजय मिळवला आणि फायनलमध्ये धडक मारली.
IPL 2026 Final: आमनेसामने आकडेवारी
आयपीएलच्या इतिहासात जेव्हा जेव्हा हे दोन संघ समोरासमोर आले आहेत, तेव्हा त्यांच्यात नेहमीच अटीतटीची लढत पाहायला मिळाली आहे. आतापर्यंत या दोन्ही संघांमध्ये एकूण 8 सामने खेळवले गेले आहेत. यामधील 4 सामन्यांत आरसीबीने बाजी मारली आहे, तर उर्वरित 4 सामन्यांत गुजरातने विजय मिळवला आहे. या संतुलित आकडेवारीमुळे यंदाची फायनल प्रेडिक्शन करणे दिग्गजांनाही कठीण जात आहे.
IPL 2026 Final: फायनलसाठी दोन्ही संघांचे संपूर्ण खेळाडू
- रॉयल चॅलेंजर्स बेंगळुरू: रजत पाटीदार (कर्णधार), विराट कोहली, व्यंकटेश अय्यर, देवदत्त पडिक्कल, जितेश शर्मा, टिम डेव्हिड, रोमारिओ शेफर्ड, कृणाल पंड्या, भुवनेश्वर कुमार, सुयश शर्मा, जोश हेझलवूड, रसिक सलाम दार, सॉल्ट, अभिनंदन सिंह, स्वप्नील सिंह, जॉर्डन कॉक्स, कनिष्क चौहान, जेकब डफी, रिचर्ड ग्लीसन, विकी ओस्तवाल, विहान मल्होत्रा, मंगेश यादव, सात्विक देशवाल.
- गुजरात टायटन्स: शुभमन गिल (कर्णधार), साई सुदर्शन, जोस बटलर, वॉशिंग्टन सुंदर, निशांत सिंधू, जेसन होल्डर, रशिद खान, कागिसो रबाडा, अर्शद खान, मोहम्मद सिराज, प्रसिद्ध कृष्णा, अनुज रावत, ग्लेन फिलिप्स, राहुल तेवातिया, कुलवंत खेजरोलिया, कुमार कुशाग्र, आर. साई किशोर, शाहरुख खान, इशांत शर्मा, लुक वूड, अशोक शर्मा, कॉनर एस्टरहुइझेन, गुरनूर ब्रार, मानव सुथार, जयंत यादव.
हे देखील वाचा – Vaibhav Sooryavanshi IPL Record: 15 वर्षांच्या पोराचा धमाका! ख्रिस गेलचा सर्वात मोठा रेकॉर्ड मोडत वैभव सूर्यवंशीने रचला इतिहास
