Aadhaar Card Details: आजच्या डिजिटल युगात आधार कार्ड हे केवळ ओळखीचा पुरावा न राहता, आर्थिक आणि सरकारी व्यवहारांसाठीचे सर्वात महत्त्वाचे दस्तऐवज बनले आहे. सिम कार्ड घेण्यापासून ते बँकेतील व्यवहारांपर्यंत प्रत्येक ठिकाणी याची गरज भासते.
मात्र, आधारचा चुकीचा वापर झाल्यास तुम्हाला मोठ्या संकटाचा सामना करावा लागू शकतो. त्यामुळेच तुमचे आधार नक्की कुठे आणि कधी वापरले गेले आहे, याची माहिती असणे अत्यंत गरजेचे आहे.
आता हे जाणून घेणे पूर्वीपेक्षा अधिक सोपे झाले आहे. ‘यूआयडीएआय’ (UIDAI) च्या नवीन अधिकृत ॲपच्या मदतीने तुम्ही केवळ एका क्लिकवर आधारची हिस्ट्री पाहू शकता.
तुमच्या आधारचा वापर कुठे झाला? असे तपासा:
तुमच्या आधार कार्डचा वापर कोणी आणि कधी केला आहे, हे पाहण्यासाठी खालील स्टेप्स फॉलो करा:
- सर्वात आधी तुमच्या स्मार्टफोनमध्ये नवीन आधार ॲप डाऊनलोड करून ते ओपन करा.
- ॲपमध्ये लॉगिन केल्यानंतर स्क्रीनवर खालून वरच्या दिशेला स्वाइप करा.
- तिथे तुम्हाला अनेक पर्याय दिसतील, त्यातील ‘Auth History’ या पर्यायावर क्लिक करा.
- क्लिक करताच तुमच्या समोर एक पूर्ण यादी उघडेल.
- या लिस्टमध्ये तुमचे आधार कार्ड नक्की कोणत्या तारखेला आणि किती वाजता वापरले गेले आहे, याची सविस्तर माहिती असेल.
या माहितीच्या आधारे तुम्ही कोणत्याही संशयास्पद हालचालीचा पत्ता लावू शकता आणि संभाव्य फसवणूक टाळू शकता.
नवीन आधार ॲपमधील इतर खास सोयी:
नवीन आधार ॲप हे केवळ हिस्ट्री पाहण्यापुरते मर्यादित नसून, ते अनेक प्रगत फिचर्सने सज्ज आहे:
- बायोमेट्रिक लॉक: तुम्ही तुमचे बायोमेट्रिक डेटा (फिंगरप्रिंट्स) लॉक किंवा अनलॉक करू शकता, ज्यामुळे कोणीही तुमच्या संमतीशिवाय आधारचा वापर करू शकणार नाही.
- क्यूआर कोड शेअरिंग: आता प्रत्यक्ष कार्ड सोबत बाळगण्याची गरज नाही, तुम्ही ॲपमधील क्यूआर कोड सहज शेअर करू शकता.
- वापरण्यास सुलभ: हे ॲप जुन्या आवृत्तीपेक्षा अधिक वेगाने काम करते आणि वापरकर्त्यांसाठी सोपे आहे.
तुमचा डेटा सुरक्षित ठेवण्यासाठी आणि फसवणुकीपासून वाचण्यासाठी नियमितपणे आधारची हिस्ट्री तपासणे नेहमीच हिताचे ठरते.
हे देखील वाचा –
1 मे पासून मुंबई-पुणे प्रवास सुसाट! ‘मिसिंग लिंक’चे लोकार्पण; टोल वाढणार का?
